香港大笪地

 找回密碼
 登記成會員
搜索
查看: 27621|回復: 26
收起左側

小米家庭(小米智能家居)開箱文

[複製鏈接]
發表於 27-1-2018 22:58:07 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有帳號?登記成會員

x
IMG_20180123_220609.jpg



近日從深圳小米買入小米智能家居,先安裝一個簡單系統,為咗實現以下目的:

  • 經手機開關客廳多盞燈,目的係返屋企前着定燈,及出街唔記得熄燈都可以熄番。
  • 經手機開關戶外燈,夜晚揸車返屋企時可預先着戶外照明。
  • 於日落時自動着燈,仲要每日着唔同嘅燈(係防盜嘅考慮,唔係住村屋嘅未必明白)
  • 於睡房開關客廳燈,咁訓覺時,先入房,然後熄客廳燈。
  • 於睡房開關戶外燈,當有野豬、怪獸、神秘人等等在屋外出沒時可儘快開燈及響 alarm。



所以,買了以下設備:


  • 小米多功能網關 -- 即係主機(控制中心),但佢亦係喇叭及夜燈,下文有介紹。
  • ZigBee 小米 aqara 智能牆壁開關插座(單火版)(點分單火零火?請看下文)
  • ZigBee 小米 aqara 智能牆壁開關插座(遙控版)

IMG_20180126_115948.jpg


舊式智能家居及單火、零火

如果你明白單火零火係乜,可 skip 此段。

我唔係電工,所以只用最簡單說明。如果睇完唔明,或想尋根究底,請查書、請教電工或留言,大笪地有電工牌會員,我都係搵佢幫手搞。

早幾年,香港某網絡商推出咗智能家居,近年香港、國內外亦有公司推出類似系統,但總未成為氣候。其中原因,除咗價錢外,安裝係一大問題。

大部分香港單位,電燈掣入面只有一條火線:

  • 未㩒電燈掣時,電路開放,即係冇電,電燈唔着;
  • 㩒咗電燈掣時,電路閉合,即係通電,電燈着咗。

而智能家居嘅電燈掣係經無線電與主機通訊(小米用 ZigBee 通訊協定,比 WiFi 或藍芽安全及低電耗),咁問題就係:未㩒電燈掣時,冇電,咁電燈掣又點樣接收訊號呢?舊式智能家居需要響電燈掣入面拉多一組電源線,供電俾電燈掣本身。因此,一般家庭只會響新屋大裝修或舊屋大裝修時,順手響各個電燈掣拉條電源線,好少家庭會為咗安裝智能家居無啦啦鑿穿牆去拉線。

而小米及近年嘅智能家居系統,解決咗電燈掣攞電問題,即係可以響只有火線、電路開放情況下,電燈掣都攞到電。原理其實唔複雜,上網查下都會搵到 -- 由於我唔係電工,不作深入解釋了。

總之,香港家庭就一定要買單火版,不要買零火版!




安裝

安裝家居系統涉及電氣,必須由註冊電工安裝。我有電工牌會員幫手,我只負責打字及影相。

IMG_20180126_115521_HHT.jpg
拆出客廳燈 A 燈原本電燈掣,可見只有火線(紅色)。

IMG_20180126_122240_HDR.jpg
另一個電燈掣比較複雜,原本係四掣,分別控制三盞戶外燈,及客廳燈 B,我想改為兩個掣,左掣一㩒三盞戶外燈同時着,右掣開關客廳燈 B。

IMG_20180126_120736.jpg
因為四個掣來自同一個 fuse(20A),足夠三盞戶外燈(各 80W)及客廳燈 B(20W),所以電工駁幾駁,搞掂。(圖中可見,小米牆壁開關插座背面好大舊,有機會唔夠位塞入牆內……)

IMG_20180126_121717.jpg
客廳燈 A、B 及戶外燈嘅電燈掣安裝完成!(上圖是單鍵掣,下圖是雙鍵掣)

IMG_20180127_222216.jpg




電工收工,接住自己搞 --

  • 手機安裝 Mi Home(米家);
  • 插上小米多功能網關(簡稱網關),米家 apps 搵到網關,輸入 Wifi 密碼,網關接上屋企網絡;
  • 米家 apps多咗「多功能閘道」(即係網關);
  • 響多功能閘道 / 網關加入上面電工安裝嘅電燈掣,及貼響睡房嘅小米 aqara 遙控版開關插座。

IMG_20180126_134643_HDR.jpg
根據說明書,網關與 router 應保持 2 至 6 米距離。

Screenshot_2018-01-26-13-48-06-052_com.xiaomi.smarthome.png
Pair 牆壁開關插座好簡單。

IMG_20180126_135327.jpg

IMG_20180126_135339.jpg
網關亦可作走廊燈,在米家 apps 操控,可控制光度及顏色,亦可按情況自動開關,例如:
  • 有人開門,網關會控制客廳燈 / 自己燈 / 播音樂(需要配合小米門窗感應器或人體感應器);
  • 當門鐘:需要加一個單鍵牆壁開關插座(遙控版)裝響屋外,當有人㩒掣,網關會響 / 播音樂 / 着燈 / send message 去你手機 / 啟動 CCTV 拍低門口係乜水?

Screenshot_2018-01-27-20-35-05-351_com.xiaomi.smarthome.png
米家 apps 就係手機上的控制中心。我早前買咗空氣清新機,響大數據年代,空氣清新機連上網絡,除咗可以遙控開關,仲可以因應屋內 PM 指數自動開啟,及上載我屋企空氣指數,同全國小米空氣清新機一齊監察大城市空氣質素。(當然,一定有人又擔心乜乜私隱,不過,當你用 Google Map 時,若唔 share 自己上大數據,就唔可以從大數據攞你需要嘅嘢;又例如用 Whatsapp,唔 share 對話上大數據,Whatsapp 就唔會免費 -- 道理完全一樣,冇免費午餐。)

Screenshot_2018-01-27-01-05-42-739_com.xiaomi.smarthome.png

Screenshot_2018-01-27-20-05-05-832_com.xiaomi.smarthome.png
之前提過有遙控版開關插座,亦響米家 apps 入面控制左右鍵分別對應乜嘢,可以開關屋入面任何一盞燈、開關 CCTV、播音樂、開關冷氣(要買多個冷氣用嘅開關)……

Screenshot_2018-01-27-20-00-08-811_com.xiaomi.smarthome.png

Screenshot_2018-01-26-14-52-23-681_com.xiaomi.smarthome.png
另外,我 set 咗日落時自動開燈,不過由於小米家居未支援香港,要用選深圳為位置。

Screenshot_2018-01-26-13-52-44-679_com.xiaomi.smarthome.png
如果唔鍾意大數據,咁就 set 個時間都得。

暫時寫住咁多,稍後會買多幾件設備,加多啲功能,再出開箱文。



 樓主| 發表於 5-6-2019 02:25:41 | 顯示全部樓層
我冇買,不過睇 spec 其實佢係紅外線發射器,可以連上網關,然後 set 自動化功能或手機操作,俾有紅外線遙控的電器用,包括冷氣。
 樓主| 發表於 31-5-2019 00:29:23 | 顯示全部樓層
ricedingmeow 發表於 30-5-2019 03:58 PM
請問香港係咪都要用大陸版網關先可以link AQARA開關?很多人說香港版search不到開關。連香港小米客服都話唔 ...

1) 一定要用大陸版網關,而手機上的小米 Home 亦要選擇大陸地區。(用開小米嘅香港人都應該知道,小米最 top 嘅嘢一定唔會放俾香港行版用)

2) 要用 adapter,或者換一個酒店用果種「萬能插面板」。

3) 冇駁上網關(智能家居是用 Zigbee 通訊,唔係用 WiFi),就係普通燈掣。

好奇一問,你裝修時拉多條火線俾智能家居,定用「單火版」?我識有朋友專登搵師傅拉多條線做「零火版」(我用單火版的)。
發表於 31-5-2019 11:46:02 | 顯示全部樓層
egg_studio 發表於 31-5-2019 12:29 AM
1) 一定要用大陸版網關,而手機上的小米 Home 亦要選擇大陸地區。(用開小米嘅香港人都應該知道,小米最 t ...

多謝指教!

1) 一定要用大陸版網關,而手機上的小米 Home 亦要選擇大陸地區。(用開小米嘅香港人都應該知道,小米最 top 嘅嘢一定唔會放俾香港行版用)
我現在用小米IP Cam都係用米家大陸地區的。網関收到!

2) 要用 adapter,或者換一個酒店用果種「萬能插面板」。
電師傅唔肯同我裝萬能插面板話唔符合香港規格
3) 冇駁上網關(智能家居是用 Zigbee 通訊,唔係用 WiFi),就係普通燈掣。
OK!最緊要確定呢個,裝修時沒有WiFi也可以試到

4)好奇一問,你裝修時拉多條火線俾智能家居,定用「單火版」?我識有朋友專登搵師傅拉多條線做「零火版」(我用單火版的)。

甘你用單火版電燈會不會閃爍?
我現在仲夾緊,因爲一換就全部開關都換,費事兩個樣。燈可以用單火,師傅話有些電器W大一定不能用單火版。我問緊甘係咪全部都拉零綫。

我既不是IT人也不熟水電,師傅又不熟智能野,現在我都頭大中...  謝謝分享!
發表於 3-2-2018 21:08:35 | 顯示全部樓層
咁樣買要幾銀 ?
 樓主| 發表於 3-2-2018 22:47:32 | 顯示全部樓層

大約:

網關 $135

燈掣(單火版)$185 x 3 = $555
遙控燈掣 $95

溫度濕度計 $75
人體感應器 $59 x 2 = $118

= $978(人民幣)


上文未講,我後加溫度濕度計,用途係?當達某個溫度時,自動開抽氣扇 / 冷氣,當然呢兩件電器都可經手機手動開關。

發表於 4-2-2018 01:00:01 | 顯示全部樓層
兩件電器要接駁去邊?
 樓主| 發表於 4-2-2018 09:19:41 | 顯示全部樓層
[email protected] 發表於 4-2-2018 01:00 AM
兩件電器要接駁去邊?


抽氣扇本身駁燈掣做開關,所以換咗燈掣,就可以經網關控制。冷氣就要買一個紅外線發射(未買/未必會買,因為我唔多開冷氣),事關小米未有智能的曲架掣。

此外,上文提到,除小米外,仲有一啲香港公司(同樣國內生產),款式靚好多,但價錢貴好多,都係單火,有興趣可上網 search search "Yoswit"
發表於 4-5-2018 23:14:19 | 顯示全部樓層
師兄我都買左小米智能墙壁開關,總共有4個位要換,我都想搵個電工幫幫手整

單制版我大概都知點駁,但係雙制版就真係唔知...

我想發個短消息比你,但點解發唔到既@@
 樓主| 發表於 4-5-2018 23:29:08 | 顯示全部樓層
唔知點做就請個電工幫幫手,唔好冒險!我都係搵電工牌朋友幫手,我旁邊影相。
發表於 27-5-2018 21:35:51 | 顯示全部樓層
其實我好有興趣用佢個zigbee版插座
但個網關我想係香港買...   插壓係大陸版  有無人試過係work的?
 樓主| 發表於 28-5-2018 09:25:59 | 顯示全部樓層
hnixonk 發表於 27-5-2018 09:35 PM
其實我好有興趣用佢個zigbee版插座
但個網關我想係香港買...   插壓係大陸版  有無人試過係work的? ...

呢個我都想知

依家小米 Home 要選有 zigbee 賣嘅國家地區先用到,例如大陸。最近一次更新後,香港地區都有網關了,但我未試可否加入 zigbee。

據我問過深圳小米之家,不同地區經嘅 server 不同,對速度(燈掣反應)有影響。
發表於 7-6-2018 22:20:25 | 顯示全部樓層
蛋兄你好,  好耐無上黎浦過

補充一下   我趁而家cn小米有discount   買左幾件國內版既智能家居試下  include z
新版zigbee插座with timer & usb   (反正我用左幾年小米mobile)

試左之後再簡略補充一下
 樓主| 發表於 8-6-2018 17:22:39 | 顯示全部樓層
咁香港版網關 + 小米 Home 選香港 + ZigBee 得嗎?
發表於 13-6-2018 12:57:54 | 顯示全部樓層
想問一下 單火雙鍵 要點接駁?
我有2條火線(左同右燈)
希望可以解答,感激!
 樓主| 發表於 13-6-2018 22:08:41 | 顯示全部樓層
原本燈掣有幾多火線入?連接一個定兩個 fuse?
發表於 14-6-2018 04:02:31 | 顯示全部樓層
egg_studio 發表於 13-6-2018 10:08 PM
原本燈掣有幾多火線入?連接一個定兩個 fuse?

111.jpg 222.jpg 咁樣~ 應該係2條火線 2條燈線, 但小米得一個火線入
我試過2條插晒入去會一開燈就兩盞都著晒~_~"
有無辦法做到 左邊控返左邊燈, 右邊控返右邊燈
希望有方法 研究左好耐 Thanks!!
 樓主| 發表於 14-6-2018 10:10:50 | 顯示全部樓層
higaken 發表於 14-6-2018 04:02 AM
咁樣~ 應該係2條火線 2條燈線, 但小米得一個火線入
我試過2條插晒入去會一開燈就兩盞都著晒~_~"
有無辦法 ...

你係一條火線入的。根據你張圖,駁新燈掣時不用駁橙色果一小截電線,然後將藍色駁入 L 位,而兩條紅色去 L1 及 L2。

記得熄總掣先好搞!
發表於 14-6-2018 21:40:49 | 顯示全部樓層
egg_studio 發表於 14-6-2018 10:10 AM
你係一條火線入的。根據你張圖,駁新燈掣時不用駁橙色果一小截電線,然後將藍色駁入 L 位,而兩條紅色去  ...

無藍色線喎,
上面紅色線應該係火線, 左上1條左燈, 右上1條係右燈
所以似係2條
 樓主| 發表於 15-6-2018 01:01:34 | 顯示全部樓層
Sorry,唔記得 upload張圖。請看橙色及藍色線。
IMG_20180614_100511.jpg
發表於 15-6-2018 11:22:33 | 顯示全部樓層
egg_studio 發表於 15-6-2018 01:01 AM
Sorry,唔記得 upload張圖。請看橙色及藍色線。

已經成功左, 感激
 樓主| 發表於 15-6-2018 12:47:13 | 顯示全部樓層
你個燈掣都有30年歷史嘛
發表於 30-5-2019 15:58:09 | 顯示全部樓層
請問香港係咪都要用大陸版網關先可以link AQARA開關?很多人說香港版search不到開關。連香港小米客服都話唔一定得。但用陸版網關要加adapter好厚。

另外請問第一次裝AQARA燈制,如果裝修期間未有WiFi同網關,燈制係咪都可以就甘用住先?

新手入門望指教。謝謝!
 樓主| 發表於 2-6-2019 19:34:40 | 顯示全部樓層
「香港規格」就係死穴,師傅有電工牌,一定唔會同你做,費事釘牌,所以唯有搵 friend 幫手。不過,所謂「香港規格」有啲情況都係搵嚟攪,事關國內規格比香港仲嚴(部分,不是全部)。

冇 Wifi 真係一個普通燈掣,不能用電話操作的,也不能設置自動功能。

小米呢個係「燈掣」,唔設計用嚟駁大電器的(佢另外有一款應該係「智能曲架」,可以駁冷氣)我真係用嚟駁燈及抽氣扇,兩樣加埋有排都未到 fuse 盒的 A 數,更加未去到智能燈掣的 A 數,道理上應該冇問題,當然不要接駁發熱或大 A 數的電器啦。

單火版冇閃爍。對於「閃爍」,我有呢個經驗:

1) 我另外有一套「遙控燈掣」,即是另外有一個遙控面板,不是小米的,廠方跟一粒電容,說明書話若有閃爍,就加電容,冇閃就唔駛。我用 LED 燈的。

2) 我都有聽過以前用 LCD / LED 有閃爍,但自己未試過。
發表於 3-6-2019 14:10:00 | 顯示全部樓層
謝謝樓主!
係呀,師傅本來有mark大電器係有燈曲。初是我都唔知咩係燈曲。現在要研究下大電量的電器係可以用靈火版還是不能用智能。空調伴侶係一個plug,但不是開關制。而且因爲空調伴侶是大陸三脚應該不會用。

型号               零火线ZigBee版                 单火线ZigBee版
输出               总路数功率≤2500W         3W≤每路功率≤800W

 樓主| 發表於 3-6-2019 15:44:56 | 顯示全部樓層
ricedingmeow 發表於 3-6-2019 02:10 PM
謝謝樓主!
係呀,師傅本來有mark大電器係有燈曲。初是我都唔知咩係燈曲。現在要研究下大電量的電器係可以 ...

小米始終是「燈擎」,並非設計給大電流,而且曲架係 cit 曬來去嘅電,同燈擎不同;有公司同樣以 ZigBee 出曲架擎,但唔知網關用唔用到,而且好貴。

另一方法是買人仔 $79 買小米的萬能遙控,用嚟開關冷氣、風扇、錄影機等等。

您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 7-2-2023 09:08 AM

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表