投票前停一停、諗一諗 -- 6.22民間全民投票

egg_studio

睇到兩條題目，大吃一驚，唔知專登定有政治壓力，魔鬼細節寫在當中。

(1) 假如我係反對佔中，或者三個方案都反對，點解會冇「反對」嘅選擇？

(2) 所謂「棄權」，根據題目，投票只計三個方案得票最多（不理棄權、廢票），假如棄權票佔超過某一百分比/ 佔最高票數，點解仍然要忽略？

(3) 個人唔認同呢個所謂「公投」有民意基礎，原因除冇得「反對」外，所謂公投，亦冇「國際慣例」般設定最低投票數目，例如某啲經常以公投決定政策的國家，規定必須有某百分比嘅投票率，該投票結果方成立。（果啲所謂十萬票，以香港人口計，大家心照有幾多 %）

(4) 接(2)(3)點，若不設「反對」及「最低投票率」，是否可解讀為：

若有一百萬人投票（不計廢票或棄權），即表示香港其餘人口反對以上三個方案？

若上述不成立，該如何讓反對方案嘅人發聲？

所以，投票是自由的，不過從議題嘅人嘅「心思」，建議大家投票前先諗一諗。

wongdavid

我對689很不滿，太多官商鈎結，想有一個自己㨂選的特首及立法會議員；所以不深想太多，希望今天的投票能改變未來！

egg_studio

但我更想有表達「反對」的機會，能夠容納不同的聲音，才是正確的方向，所以我不會支持6.22 呢種「小圈子」政治把戲。

響有公投制度嘅國家，假如人民見到香港啲所謂「公投」，不可選「反對」、棄權票唔計、冇最低投票比率，你估人地會唔會笑我地無知？

egg_studio

同埋，如果有人投咗票，可否解釋下乜嘢叫「國際標準」？

以我所知有下列幾種常見嘅「國際標準」：

1) 中國人大選舉嘅方法
2) 選教宗、閉門燒黃紙嘅方法（呢個應該最民主，因為經常高調支持民主嘅前港區天主教樞機陳日君都冇質疑過呢種選舉方法）
3) 抽簽
4) 美國嘅兩黨制、「選舉人」方法（同樣屬有篩選嘅選舉，但美國人認為冇問題）
5) 以所謂一人一票、但選完可以唔認數，隨時可以搵班人拉番你落台及過幾條罪俾你嘅方法，例如泰國、埃及。
6) 以人民一人一票選出及組成政府，但當政府做錯嘢時人民可以唔負任何責任，之後又選過另一個人或政府，一切當冇事發生。（自己諗吓邊個國家）
7) 「只可贊成，不可反對」嘅選舉制度（未開放改革嘅中國，及依家有部分香港人爭取緊嘅方式）
8) 聯合國嘅投票方式。
9) 世界杯--球證話晒事嘅方式。

DesmondWan@FB

個投票我睇左都冇投不中立