找回密碼
 登記成會員
搜索
查看: 4661|回復: 7

中產生活~

[複製鏈接]
發表於 1-3-2013 15:19:44 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×
來源:1/3/2013 蘋果日報                                                                                               

隔牆有耳:用咖啡電影扶貧 鬍鬚曾有料到

曾經,好多香港人都以為自己係中產;直至財爺鬍鬚曾前日公佈預算案時,自爆自己係中產,先至令好多人醒覺到,原來你哋並唔算係中產。之但係噚日鬍鬚曾重新為中產下一個定義,突然之間,700萬香港人,又人人變番做中產喎。佢係咁咦吹兩句,就可以令香港人嘅社會地位變完又變,同CY相比,呢個財爺認真「有.料.到」!                                                                                                  
尋日之前,八方同好多人都覺得,月入唔過30萬,都應該係窮人。好彩鬍鬚曾喺烽煙節目雪中送炭,安慰大家,中產其實係一種生活態度,飲杯咖啡,睇套法國電影,就可以升呢!多得佢諗到用咖啡、電影「扶貧」,從此人人手執一杯熱啡、一隻電影光碟,就可以即刻斷窮根。嗱!鬍鬚曾講句說話即刻穩定民心,政黨要預算案派錢,實在係相當多餘!                                                                                                        
去Starbucks要cut資助?                                                                                                                                       
不過,當生活態度都可以變中產,問題就出現嘞!向西村上春樹寫文話,咁政府做貧窮線時,要唔要研究埋一個人嘅生活態度?仲有呀,唔少大學生都鍾意去Starbucks溫書,咁學資處係咪要cut佢哋grant loan?
八方就覺得,鬍鬚曾話自己係中產係冇錯㗎,家陣300幾萬嘅樓都只叫做上車盤,大學生要住劏房,鬧市名店只有強國人畀得起錢幫襯;喺香港生活,如果你唔學似鬍鬚曾咁,月入逾37萬,真係唔好叫自己做中產呀!


我地香港大笪地再唔可以係「中產人仕」的 forum啦,應該係赤貧至真!
連D版主都無三百萬年薪,又唔睇法國電影…



(PS 發現如果文字中有D特別字,例如「o尋」(原文有這字) ,出 post 後 discuss 會食哂後面D content...)
發表於 2-3-2013 15:45:20 | 顯示全部樓層
睇唔到~
發表於 2-3-2013 19:45:53 來自手機 | 顯示全部樓層
睇唔到x2
 樓主| 發表於 4-3-2013 09:48:30 | 顯示全部樓層
已 update,發現如果文字中有D特別字,例如「o尋」(原文有這字) ,出 post 後 discuss 會食哂後面D content...
發表於 4-3-2013 17:37:58 來自手機 | 顯示全部樓層
我唔認同以收入去界定係咪中產,例如月入十萬,供樓供車供子女playgroup找卡數去咗八萬,咁比一個冇負擔或者乜都供斷晒嘅,一d都唔中產。反而以生話水平及質素去區界會更合適。
 樓主| 發表於 4-3-2013 22:53:57 | 顯示全部樓層
egg_studio 發表於 4-3-2013 05:37 PM
我唔認同以收入去界定係咪中產,例如月入十萬,供樓供車供子女playgroup找卡數去咗八萬,咁比一個冇負擔或 ...

 其實同意,中產係生活態度,有D人好有錢,但生活可以好克苦,而D人可以只係搵2﹣3萬,但生活質素卻OK。
不過財爺講呢D說話真係無腦…
發表於 5-3-2013 08:53:36 | 顯示全部樓層
但其實你睇番當日情況,係有條 80 後無記者問財爺係咪中產,咁當你月入三十幾萬時,但認為中產係生活態度下,你可以點答?真係答又死唔答又死,所以我仍然支持香港唔應該有普選
 樓主| 發表於 6-3-2013 12:44:47 | 顯示全部樓層
我唔認同你意見不過我支持你發表…

不過,我主要係想問下 @egg_studio , 你認為點先係中產?
您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 14-7-2024 09:57 AM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表