28/05/11 深夜飛BIKE報告 大圍 - 大埔

hongdonald

是日出車報告:

6:30到達土瓜灣，先更換新既鞋碼同幫粒CS200換電，換左之後個夜光SHARP番哂~
約7點到達火車站坐車至大圍，沿城門河單車徑一路踩至吐公單車徑，再係公廁左轉至創新路展開今晚既操車之旅。

獨至操3圈後番公廁放水，出來個陣一位既老外指住我部單車講"NICE MACHINE"，見佢推住部CANNONDALE TT車，原來係準備明早(今朝)既翔東路TT賽，佢自稱阿JOHN，身穿CS CYCLING TEAM 戰衣。大家傾兩句之後各自修為，踩到第七個圈時因挖鼻屎溜車，比後追既街車仔挑釁。

小弟操左十個圈到就慢碌去廣福買野飲，再原路折返至大圍坐火車走人。
今朝查番GOOGLE，原來呢位人兄叫JOHN TONK，係一位教師+業餘單車手，唔怪得之咁Q快..(小弟試跟JOHN兄兩個圈，不過佢一爆車就海放左小弟)






圖中右邊個位..

Homan

咁多錯字／別字架？賤格！

hongdonald

已更正~

李兄幾時番HK，到你踩下創新路。
另外呢個位每個星期四晚都有"灰銀之夜"，會見到唔少單車好手(前港隊/單車隊主將)，亦比小弟練習一下GROUP RIDE既技巧~

willywong

灰銀之夜,冇力會比人扯死!

hongdonald

基本上佢地既AV 係40KM/H 以上，中途有D 粉腸爆車仲會去到5X KM/H，小弟跟左一圈被海放後自動碌番公廁睇波算..

Homan

回復 5# hongdonald

去公廁睇波？？

egg_studio

冇理由㗎，約年多前某車神踩架摺車都可以輕易上到 50km/hr，冇理由會被人放??

應該仍有打錯字 -- 車神唔踩摺車，用 road bike 應該可以放甩果 d 得 50km/hr d 車手幾個圈。

Homan

回復 7# egg_studio

呵呵。eggstudio兄，你放過人地啦
人地已經由當年高溫膠進化到現在的硬膠膠了。

btw, 其實參加呢D賽事，係唔係真係要keep 40km以上？ 香港有什麼路可以啊？

egg_studio

咁都係一舊膠......

我就未參加過 road bike 賽事，所以所知不多，MT bike 就有經驗講吓。

Bono 兄有大把 road bike 賽經驗 + 獎項，應該由佢嚟講解。(我揾佢上嚟回吓 post)

hongdonald

其實爆車就個個人都可以好快,不過KEEP到幾耐又係另一個問題，比少少數據你參考番，對上一次既創新路繞圈賽，首名車手AV為44.6，主集團AV為42.9，基本上參賽得既都有AV 40以上。而係星期日早上既翔東路TT賽，團體首名CMS車隊AV為47.8，所以AV有40以上係絕對有可能。

另外用感謝兩位肯花你地既寶貴時間留言，我自己都希望踩多D，從中改善自己既姿勢同騎乘技巧，50KM又好，5KM又好，只要踩得開心就得。

假如小弟以前有咩得罪兩位請多多包涵，小弟叫你一聲"KAY兄/浩民兄"，麻煩你都唔好用咩"高溫膠"、"一舊膠"叫小弟，小弟有中文名同英文名，唔清楚可以PM小弟話比你知。

禮!

egg_studio

你敬人一呎，人敬你一丈，做人又好踩單車又好，體能技術差唔緊要，有品就一定有人 "侵" 你玩。謙虛一定有人會關照你。

Homan

好的好的。咁唔膠唔膠…
而家係碳纖了～～

（嗱… 罷明是講笑… 唔笑勿插…）

alexphoto

因為佢而家係蘋果俠-(紫荊俠個friend呀), 係公眾人物黎, 唔好惹佢, 否則佢用蘋果訂死你!