(轉載) 同電車男去街.........唉

Homan

source:

上個月我同朋友唱k時朋友介紹左個男仔比我識, 佢話明自己係電車男 ,咁我feel到ge(成晚唱k一首歌冇唱過、"色仔"又唔玩,好似自閉咁)....之後佢拎左我mail ,佢日日send mail比我 ,原來佢又玩P囡、又有玩GUNDAM、又有模型、又有睇DECADE wo,咁之後我話我隻P對鞋唔好睇 ,佢話可以help我去淘宝買 ,咁我話不如到貨後出黎比$$$佢+順便食lunch吹水啦 ,佢話好 ,臨出去前一早佢竟然sd SMS比我話其實佢未同過女仔去街 ,話今日好開心.....我看到都有心理準備ga la....點知結果真係有d.......唉

首先佢成日會問我中意著咩衫呀鞋呀果D ,咁我估佢玩開P囡 ,可能對女仔打扮有興趣 ,咁我咪同佢傾lo ...點知佢傾下傾下說到上次唱k見我打扮好成熟(我果日全黑OL LOOK)...問我去街可唔可以唔返工LOOK....我話好丫....我平時都係求其Tee +褲/裙 + CONS之嘛.....佢話其實我唔高....著高跟鞋幾好睇 ....不如我casual look+對高跟鞋 ...我話都好丫......我自問唔係高ge女仔(我16X cm)...點知出到黎.......原來佢160都冇...結果行o係街度好怪.......cry

之後吃lunch ...我問佢吃什麼......佢話唔知.....叫我決定....我話Pizza Hut好嗎?佢話ok.........點知 ......食到咁上下....佢話佢帶唔夠錢.....問我可否借少少比佢 or 比左P囡對鞋d$$佢先....我話唔洗啦...你幫我去淘宝買P囡對鞋我請你食飯當多謝lo....之後我用VISA埋單...佢話用信用卡唔好架...會洗大架...又話我張VISA黑色ge...都唔似女仔用....係咪借人的....我汗晒....我話信用卡冇得借架.....佢話佢有時會借人張EPS按$$$....我話簽VISA冇得借架.....

最後佢比左P囡對鞋我........對鞋$79......我比了$80佢......佢話找返$1比我....我話不用了.....佢唔理我.....自己找了好耐........才話冇散紙........下次找返$1比我....我話真係唔洗啦.........
返到家佢SMS我......話我可愛(汗)...似日本女仔(汗 x 2) ...著lolita會好cute(汗 x 3) ........問我有冇想過去淘宝買件lolita / maid服著 ....同埋下次著裙對襪唔好有pattern會好D(我果日著左對有pattern ge黑絲襪襯條淺啡裙...可能佢認為我襯得好差啦)

我完全唔知點re佢lo ......唉......可能我有問題啦....我真係唔係好識同呢D男仔溝通

egg_studio

點解我覺得你響度影射緊大笪地某個會員嘅？

不過，我都有玩玩具 (模型都係玩具)，又有睇 DECADE......又有睇 Gundam

c_Foo

成日上網唔實踐咪咁囉, 仲要上埋 d 膠燈網, 問題冇腦不特止, 回既只係 同, 有 d 問題真係服咗呢一代 >>> http://forum4.hkgolden.com/view.aspx?message=2462821 (究竟同女仔單獨出街既感覺係點?), 咁都有得問, 何來有生存功能, 點樣同人爭女, 唯有易服扮女......可愛可愛喔

Homan

回覆 2# egg_studio

egg兄，係呀… 我影射緊我自己呀…
想當年小弟都唔識同女生相處…

devilzero

其實個男仔問題唔大....反而個女仔我就覺得有d無知.

sunnyslhf

回覆 4# Homan


    依家就係溝女王

sunnyslhf

回覆 5# devilzero


    我又唔係甘睇woh.. 只係大家生活圈子不過，真係沒話邊個唔啱既