可以接載單車的公共交通工具

Homan

港鐵西鐵線、官塘線、荃灣線、港島線、將軍澳線、東涌線：
除非單車 (如可摺合，以摺合後計算) 的長闊高總和不超出 170cm，及任何一面長度不超過 130cm 就，否則不可入閘

港鐵東鐵線、馬鞍山線：
已得東鐵線營運經理口頭批准，由 2009 年 1 月 1 日起，可以拆去其中一個車轆，或者將單車摺合(摺合單車適用)，就可入免附加費入閘。為免阻礙其他乘客，建議使用車頭或車尾登車。

港鐵輕鐵線：
不可進入輕鐵收費區範圍

專利巴士：
按各巴士公司乘客規則，單車尺寸已超出限制。但如果使用單車袋先將單車包好，可由司機酌情處理

九巴︰
為了保障乘客及整體行車安全，避免巴士在行駛期間因物件碰撞而對其他乘客構成影響，乘客不可攜帶體積超過十份一立方米或帶有危險性的物品上車。而龍運巴士之 E/S/N 線的乘客可攜帶一件體積 71x56x26 厘米 (28x22x10吋) 之行李登車，A 線的乘客可攜帶一件體積 71x56x26 厘米 (28x22x10吋) 之行李及一件 56x36x23 厘米 (22x14x9吋) 之手提行李登車。

新巴、城巴︰
每位乘客只可攜帶總重量不超逾五公斤及總體積不超逾 0.1 立方米之物品登車，而所有登車之物品或行李亦不可有任何危險或厭惡性。車長有權拒絕攜帶著不符合以上規定之物品或行李的人仕登上或乘搭巴士。攜帶物品不得佔用任何座位亦不得放置在巴士的通道上或樓梯上。

天星小輪：
來往灣仔至尖沙咀航線可以免行李費用登船。請使用灣仔碼頭或尖沙咀碼頭零食物語旁的下層通道登船。於灣仔付單程成人船費。每船最多限載六部單車。

對於天星 灣仔至尖沙咀 航線有下面更改 (ref 22-5-2010 天星小輪)：

在每一航班中，最多只能同時接載10輛單車或8輛單車及2輛輪椅。輪椅使用者將獲優先乘搭該渡輪服務。

下列情況下不可登船︰                        
(a) 在下午5時至6時繁忙時間內，由灣仔開往尖沙咀的航班；                        
(b) 當乘客需求驟增時，下層船艙需要接載乘客的航班；或                        
(c) 騎單車人士利用其單車運載貨物。        

另外來往灣仔至紅磡航線可以運載單車，但需另收行李費用

新渡輪：
港外線只限普通船普通等可以運載單車
港內線只有來往北角至觀塘線可以運載單車，需另收行李費用

的士︰       　
需放於行李箱，需另收費每部 $5
　
客貨車︰ 　
需放於車尾貨箱部份，費用於車費中已包含，不另收費

egg_studio

所以 road bike 或 MT bike 拆晒前後轆就啱啱唔會 oversize.... 不過最緊要係同職員有禮貌，唔好寸寸貢。別人比你入係人情，唔比係道理。

Homan

回覆 2# egg_studio

上次踩完我火車在九龍塘（不用出入閘）轉地鐵，無問題～

egg_studio

其實大家未買車時我都講過好多次，拆前後轆入袋唔好寸寸貢就 ok 㗎啦。

不過，有件事到依家都冇確實答案，就係汽車用尾架 -- 假如發生意外，例如比人隊尾、或轉彎或唔知點解 "發" 到行人，保險公司會否因為個車架係潛建或當非法改裝而唔賠呢？希望保險精英解答。

Homan

入袋？邊有咁大個袋？（咦…去ikea笠個購物袋咪…）

今晚試下由天后去TKO睇下咁夜、淨係拆前轆又有無問題先…

Homan

其實大家未買車時我都講過好多次，拆前後轆入袋唔好寸寸貢就 ok 㗎啦。

不過，有件事到依家都冇確實答案， ...
egg_studio 發表於 25-5-2010 11:13 PM

最大可能會係保險公司照賠比第三者，然後向生產商、入口商索償（如果因為產品問題）、或者向車主索償（如因為人為錯誤、使用者的安裝不妥）

egg_studio

係拆前後轆入袋，不是成架放入去。

有 road bike 及 MT bike 用嘅袋。事緣係我識有班車友每個星期日都入東涌踩 Disneyland ，佢地都係拆前後轆入袋上東涌線。

另外，試過入袋寄飛機 -- 上年我就係咁帶咗我架舊 road bike (白色果架) 去外國。check in 時話比地勤姐姐聽呢架係單車，佢會分開處理，到咗目的地後會有 d 地勤姐姐 / 哥哥推出去比番你，唔經行李帶。

Homan

I took MTR at North Point, now at Yau Tong on the way to Tseung Kwan O... No problem !!

c_Foo

其實上地鐵，單車只要拆前轆，於非繁忙時間上頭或尾卡便可。但第一條乜乜地鐵線，單車唔超過170可入車箱？我架RB未拆都未過170，咁可以成車入車箱？實際唔得，我試過20：00上黃大仙站，地鐵職員叫我拆前轆先可入車箱。另外討論區正爭取上地鐵唔拆轆，道理上好，拆前轆、車架、頭盔咁多樣野碰到別人機會仲大，起碼散件推車我好難操控。

車袋問題更易解決，比得錢單車鋪有，唔使錢垃圾婆有（仲要黑色大大個又易收埋）。

Homan

昨晚晚上十一點由天后出發，先踩去北角地鐵站上MTR，拆了前轆。


回程在調景嶺的巴士總站搭通宵巴士，我上車前先和司機寒暄幾句，之後上車時問佢「唔拆後轆都OK呀可？我懶呀…哈哈…」
我當佢話唔得我就拆埋後轆，完全唔比佢有「唔比我上車」的諗法。
最後佢看了兩眼，就點一點頭，仲叫我泊在單邊位果邊可以坐之類…

好似egg_studio兄講一樣，只要大家好禮貌，又唔阻到人(更加唔可以阻到司機工作)，咁就大部份情況下都無問題呢！

willywong

得閒去開鴨記買幾條長啲嘅膠搠帶,記得要有開得番果隻,以後上火車好、搭船巴士客貨車好,搵佢扣落啲扶手、貨架,幾架單車扣住都好,為人為己保安全!

Homan

不如團購可再用的索帶？
因為一條買要幾蚊，但係一包50條~100條都係幾十蚊！
如果ok，我今日去看看！

c_Foo

索帶都要團購? 走轉鴨記睇下吧

alexphoto

預10條俾我吖唔該!

hongdonald

今日剛同天星小輪職員傾過,灣仔>tst,tst>灣仔可以經下層特別通道上船,免付運費~
中環>tst(vice versa)就唔可以帶單車.
oh,原來alman兄已係post內提及.
另外.想問下放車架既袋一般幾$?

egg_studio

回覆 9# c_Foo

係長闊高總和 170 cm，拆頭尾轆就唔過 size

Homan

索帶都要團購? 走轉鴨記睇下吧
c_Foo 發表於 26-5-2010 12:42 PM

我就係去過鴨記了～
可再用的長（一呎以上）的索帶幾貴架…

定係你公司有得拎先？

c_Foo

乜都有...乜都冇

c_Foo

回覆 15# hongdonald

算把喇，車袋送比你都唔知放係邊，簡簡單單拆轆抽車入閘，況且你架勁野更係要見下光，買嚟要曬下嗎，唔係好易發毛

egg_studio

回覆 19# c_Foo

咁你送比我啦，我知道放響邊㗎。