Canon EOS 相機技術的疑問

egg_studio

我用了相機十多年，只擁有過三部 Canon EOS 相機： EOS-10QD, EOS-10D, 另外係以前公司的 EOS-5<br><br>記得當年 Canon 有兩種 "幾劃時代" 又十分好用嘅技術，分別係 EOS-RT 嘅固定反光鏡，及 EOS-5 嘅 "人眼對焦"。呢兩個技術只係響一部相機出現過，之後就再冇後繼者。<br><br>問題係依家 d 相機越來越多對焦點，但越多其實越亂，因為部機根本唔知你想對 d 乜。另外，固定反光鏡已經最少可以賺多一級快門。（已減去因固定反光鏡引致光量減少因素）<br><br>除 Canon EOS 外，我仲有一部 Pentax 機，佢有一個叫 "陷阱對焦" -- 當 set 好某個 focus 後，當有隻野獸行過，部機會自動影。<br><br>當年仲有個牌子叫萬能達，佢個 AI 對焦可以計算到一樣高速物體 (例如 F1 賽車) 響快門打開時嘅 focus point (不是按 掣果下) 雖然依家好多相機都得，但萬能達果部係計到橢圓運動。<br><br>以前 CPU 冇依家咁快都可以做到，咁究竟有乜問題令 d 廠放棄咗呢 d 技術?? <br><br>&nbsp;有此疑問原因係，有時影相都會用下傻瓜機，漸漸發覺除咗冇得換鏡頭 / 鏡頭質素 (except Canon kit 鏡) ，傻瓜機 d 技術反而比單鏡機先進。而單鏡機，反而將 d 有用嘅功能 give up, 一味谷大像素、對焦點、對焦速度。<br>

Homan

呢個問題在各大forum都有廣泛討論過…　但Canon就一直無為此作出任何正面／側面回應…
另外，陷阱對焦在nikon的頂級Ｆ系列都有的 (有錯請指正)，非Pantex獨家秘笈…

hongdonald

陷阱對焦Sony都有!

egg_studio

但我主要係想知 Canon 點解會 discontinues 固定反光鏡及人眼對焦呢？有冇人知 d 小道消息呢？

幾年前睇過 d 報導話 Canon 會響唔記得邊部 DSLR 用番 RT 的反光鏡，但當然冇咗下文啦。