找回密碼
 登記成會員
搜索
查看: 8933|回復: 8

[賽後報告] 長洲西園越野單車嘉年華 2016

[複製鏈接]
發表於 18-11-2016 13:00:10 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×
長洲西園越野單車嘉年華 2016
   
30-10-2016 舉行了長洲有史以來第一次越野單車比賽,吸引了 170 名選手參加,連同百多名親朋好友,迫滿過去被盛傳為「鬼屋」的西園 — 西園的歷史由來和軼事,早前已在橙新聞專欄「型男攝影師行山記」披露了。

除了是長洲的第一次,這活動也把近年沉靜了的越野單車運動重新燃點起,吸引了大批平日只各自在山頭騎車的 XC 好手聚首一堂,各組名額於報名開始後不足一星期爆滿,包括女子公開組及 50 歲以上組別,可謂絕無僅有!

比賽路線儘量利用西園天然地形,包括樹林、草地、大石及樓梯,當中最吸引現場觀眾的,必定是高 50 厘米的跳台!不要小看這 50 厘米,由於跳台後是下坡,把 50 厘米加上地面斜度,實際有 80 至一米。每當有車手從樹林颷出,準備飛出跳台時,現場觀眾必定發出歡呼。

從中午起至日落,一連五場比賽順利進行,全有賴各參賽者合作及工作人員努力,也要鳴謝各贊助商的豐富獎品!希望來年有機會再見大家!

活動成績及照片可在以下網站查閱及購買:

dsc02729-2.jpg
                                觀眾最愛聚集在跳台前,欣賞車手一躍而下,既刺激又好看。                                
161030a-689.jpg
                                跳台看似不高(50cm),實際着地點是 80cm,成為很多參加者的挑戰。                               
dsc02729-2-copy.jpg
                                賽道中有兩隻雞,分別標示容易但較長的替代路線。                               
dsc03260.jpg
                                森林一段彎位極多,考驗速度及轉向兩者兼顧能力。                               
2016-11-17-15.58.59.jpg
                                利用樹枝及石塊搭建一段極具挑戰性路段。                               
2016-11-17-15.59.33.jpg
                                安全通過並不是表示可鬆一口氣,前方還要踩上大石,在石頂轉  90 度角後滑下。                               
161030c-261.jpg
                                活動參加人數再創近年新高!                               
wai_9672.jpg
                                比賽後是抽獎及頒獎禮。各組別的獎品之豐富也是近年鮮有。                               

評分

參與人數 2積分 +30 收起 理由
DominicNg@G + 20 精品文章
GroupWebike(@G + 10 有圖有文有真相

查看全部評分

發表於 18-11-2016 13:23:31 | 顯示全部樓層
本帖最後由 GroupWebike(@G 於 18-11-2016 01:24 PM 編輯

好熱鬧!

其實玩開XC既, 落差 800mm 係咪濕濕碎呢?
我依家 500 左右就會縮

PS: 炒果張影得好
 樓主| 發表於 18-11-2016 13:38:55 | 顯示全部樓層
同落樓梯一樣,識落就冇問題,唔識就炒大鑊。始終單車冇「統一」嘅技術標準,唔似學揸車咁,考咗牌就表示你有已經掌握咗某啲技術。

講番識唔識跳台或落樓梯問題,當我買活動保險時,保險公司都有問過類似嘅嘢,要嚟做風險評估之類。保險公司話,因為香港冇「統一」嘅技術及安全標準,所以技術上就唔知佢地點衡量,但安全上就要跟漁護署越野單車徑的安全守則。
發表於 18-11-2016 13:47:02 來自手機 | 顯示全部樓層
旦兄出包膠,細佬我當然義不容遲,我e家跑緊毛得short野既毅行,就等我一路跑一路寫番個包膠,話晒我都系參賽車手之一!等我!!!!
發表於 18-11-2016 15:05:36 | 顯示全部樓層
神秘人兄跑緊普渡慈航既毅行仲要係字母隊, 都上黎支持包膠真係冇得輸!!!
發表於 18-11-2016 15:21:57 來自手機 | 顯示全部樓層
GroupWebike(@G 發表於 18-11-2016 03:05 PM
神秘人兄跑緊普渡慈航既毅行仲要係字母隊, 都上黎支持包膠真係冇得輸!!!

普渡慈航神秘人用谷哥語音輸入話咁快就打好包膠,有一路路一路包膠有錯字請多多包含

識我神秘人一定知我系跑山高手,但因為跟得大笪地多,都染上踩單車惡習,前排洗左幾皮野出左架烈火戰車,甘當知道長洲有個越野單車比賽而主辦單位竟然同大笪地有啦 la-lung,我當然義不容辭,義無反悔去參加啦。

聽講今次比賽報名人數超多,有D組別仲有破埋香港紀錄,而坊間有傳有D報5到名嘅二打六甚至出到恐嚇主辦單位呢D那渣招,話5「特事特辦」俾佢地參加就會派人黎會場搞事,又話比賽甘細雞,冇佢地參如必定諳然失色……唉,總之未比賽已經搞到瘋聲血淚啦!

講到細雞,呢次都算細雞,5系講參加人數,而系地方,只系得幾萬呎,一個圈得果1.3km,我屙尿都5止射甘遠呀!我新買嘅北斗GPS計得1.29km, 真系貨不對版!D獎品雖然就好豐富,但系完全5關我事,因為識我神秘人嘅人都知道我行山就勁,但系踩單車只系得環法級數,踩上架越野車連轉波都未搞得掂。

我參加嗰組有3十幾人,因為我只系環法級數,所以我響起點畀人迫下迫下就迫左去龍尾。雞聲一響前排就趕住去投胎甘衝,石屎路入草地立刻炒低幾件,之後路面收窄,前面各不相讓,好似行毅行甘鬆手踭起飛腳,結果又系炒低幾件,好彩我平常心5同人爭加上身手敏捷,否則一定Note 7!之後落斜路,突然之間眼尾哨到一個牌,咦,點解有隻雞響度既呢?有乜玄機呢?旁邊有位叔叔好似唸經甘唸:「左邊容易、右邊挑戰、左邊容易、右邊挑戰……」我就當然要寧右莫左,挑就挑啦!踩前幾米前面有人炒車,睇清楚,嘩,前面有百幾舊大石,中間仲要有條爛x左嘅木梯,之後有一堆爛木頭! 我5理三七21照衝過去,小,以我嘅環法技術梗系Note 7 啦,只好樣衰衰甘推架車過去,一上番單車,前面又有一舊心口甘高既大石,今次要踩上去然後響側邊 sir 番落黎,本來舊石5系好高,但系望向側邊,腳下完全凌空,嚇到個心都離一離!之後一輪草地然後轉入石屎路,跟住踩上山。踩踩下前面又有工作人員哎「小心、慢車……」都就黎包尾,仲慢乜鬼!點知一個屈尾十,眼前一條長樓梯,本來以為死梗,好彩隔離有條斜路。連續落三段樓梯之後,又到大草地、沙地、乜地都有,之後又黎上斜(有冇甘多斜路呀?)今次仲難上,系一條好x 斜嘅泥路,以為上到頂,之後原來仲有幾米,搞到我一時回5到力,要做老漢,話曬我神秘人都系超級毅行者黎架,萬一比D fan 屎見到真系5得掂!好彩我隔離位大叔一樣系全程老漢,甘我都冇甘尷尬。

之後踩入森林,完全有「 轉埋個彎就到」feel,轉左好多個彎後,突然出走樹林,眼前一班觀眾,幾廿支鏡頭隊住我,難道郭富成響我後面?咦,我眼前又出現剛才果隻雞……頭先Note 7 完,今次見到隻雞當然”寧左莫右”啦!  0.01 秒之後,咦,眼前出現骷髏骨頭,再0.01 秒後,宇宙刑警都變左兩次身嘅時間,我終於見到系個飛台, 當時我dup 都得dup 5切,只好抱著Note 7 的覺悟就飛出去, 一飛出去下面仲要系斜路,好彩我身手敏捷加上環法嘅技術, 響到目睽睽下安全著陸! 原來呢班觀眾坐曬響度就系想睇人響飛台飛落黎炒鑊金!真系世風日下!飛完之後,原來又有陷阱
發表於 18-11-2016 15:28:19 來自手機 | 顯示全部樓層
飛完之後,原來又有陷阱,我踩開嘅環法邊有甘鬼多花臣!前面黎一條水渠,我一個優美嘅跳躍,好似天使下凡甘跳過水渠。本來以為冇料到,點知比賽後聽到人講,話果條5條水渠,系屎渠黎架!女面全部都系羊poo poo!仲好似有車手跌左落去tim!又轉埋個灣,終於見到終點,點x樣又要落條樓梯,仲要2邊有好x多觀眾夾道觀迎!之後又要上斜路先去到終點,咁叫完成一圈,仲有5知幾多個圈要踩!當踩到好似系第4定第5個圈時自己都5記得踩左幾多圈,咁唯有有幾多踩幾多,科左2舊梗系踩到盡,5通蝕比佢?最後,獎就真系冇我份,不過我平日樂善好私,所以臨尾都抽中份獎品!臨散band時大會工作人員好似飲完結婚酒送客甘送我出門口,認真有禮貌!甘好玩又食又力既比賽下年一定要預我!
發表於 18-11-2016 15:34:03 來自手機 | 顯示全部樓層
大家記得睇埋我訪問,橙新聞大笪地專欄今次上埋報紙頭條真系要放煙花都黎5切
發表於 18-11-2016 16:43:05 | 顯示全部樓層
神秘人兄篇水蛇春, 有令人置身其中既感覺! 睇完我都以為我自己有去到!
您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 15-6-2024 06:14 AM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表