找回密碼
 登記成會員
搜索
查看: 20436|回復: 26

[賽後報告] 新年漫走 -- 屯門至上水「越野」單車徑 + 軍營 + 麒麟山

[複製鏈接]
發表於 22-2-2015 19:03:30 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×
新年出車,目標係搵吓未去過嘅村路及搵小徑串連已知嘅路線。響大笪地「官方地圖」搵到一條「越野單車徑」。大年初一去搵過,但搵唔到入口。今日從「出口」搵番轉頭,終於入到呢條好 XC 嘅單車徑。

從單車徑兩旁樹木嘅標籤睇到,係屬於樓梯響聲都未有嘅新界超級單車徑元朗至上水段(標籤上有工程計劃編號及標示屯門至上水單車徑),不過翻查 2007 及 2009 土木工程署文件,及 2013 年立法局財務委員會申請撥款文件,呢條「越野單車徑」唔響文件嘅地圖內,十分離奇。(換言之,若跟住文件入面嘅附件地圖,冇可能搵到)

IMAG3319.jpg
「出口」-- 從元朗方向往上水。

IMAG3321.jpg
好靚嘅 XC 路 -- 好難想象會點樣興建為單車徑?

IMAG3320.jpg
事實上,翻查大笪地「官方地圖」,響 1993 年嘅版本上,搵到呢條路,當時用途估計係興建公路時用嚟運送物資嘅 service road。

IMAG3322.jpg
土木工程署嘅標籤。

IMAG3323.jpg
不過越行越窄,漸漸走入鄉間。

IMAG3324.jpg
出口原來響人地屋企後門,唔怪得第一次搵唔到!

IMAG3325.jpg
之後繼續穿村路,去到「例牌」景點 -- 新田解放軍軍營外「觀景台」,一覽新田鄉郊景色。右邊係稍後會上嘅麒麟山。

IMAG3334.jpg
至於呢度又係邊,要去探險版先有講。(請睇探險版)

IMAG3326.jpg
繼續去到舊英軍軍人操場。據大笪地「官方地圖」記載,呢個操場響 1963 年已經存在。

IMAG3336.jpg
之後踩上山,踩上唔算高嘅麒麟山。山上有不少「拜山路」,所以唔算太難踩,亦冇乜樓梯。

IMAG3335.jpg
麒麟山下風光。

IMAG3337.jpg
麒麟山下風光 II -- 左邊一堆屋係坑頭大布,右邊遠處係版主屋企。

IMAG3338.jpg
繼續落山,山路出口係水務處鄉村食水池。

IMAG3339.jpg
之後繼續落山,出閘,接回麒麟村,之後踩平日嘅鄉路回市區下午茶。

Screen Shot 2015-02-22 at 6.03.39 pm.png

Screen Shot 2015-02-22 at 6.27.20 pm.png
以上兩張附件地圖分別係 2009 及 2013 年「超級單車徑」路線,不過上面果條 XC 路不在地圖內。
 樓主| 發表於 7-5-2015 23:56:10 | 顯示全部樓層
kingswoodkc 發表於 7-5-2015 11:04 PM
Hello 師兄,

本人居於天水圍, 本人及其他車友對這條「越野」單車徑 + 軍營 + 麒麟山路線十分感興趣, 幾位 ...

其實所謂「越野」單車徑非常難搵,我住響果頭就嚟半個世紀都唔知……

如果你響天水圍踩過嚟,過錦繡花園後,取新潭路(不要走青公),去到差唔多接番青公前會有右轉路口。果條路冇名,「越野」單車徑入口就響冇名路前十幾米嘅樹林 -- 非常隱蔽,而出口就響一間荒廢村屋後欄。入到村屋後欄,左轉,沿鐵絲網下斜,就會出番大路。(睇多次我啲相,到時認番環境)

大路轉左,經過十字路口,就駁石湖圍路(睇路牌)。

沿石湖圍路,可通往軍營,呢段路好多分支,但響 Google Map 可搵到。若你玩山,可能會發現一個天平山咁大嘅「XC 拜山場」(我個 post 冇提),春秋兩祭以外日子可以入去玩吓。

至於麒麟山路線,當出咗軍營後,唔好踩出古洞路(一般車手 99% 會直出古洞路)。留意出古洞路前有一條小車路,入鹿尾村。一直踩,小車路會變小村路(車唔夠過,只夠人行),一直行,去到尾。當差唔多見到排洪渠前,左轉好爛嘅泥路,經過一幢廢棄貨倉,然後一條導致你炒車嘅水管,就會接上排洪渠。之後過橋去排洪渠另一面,穿過人地屋企後欄停車場就可駁番麒麟山路(紅字:呢段十分複雜,好難用言語解釋)-- 千萬不要跟排洪渠,否則你會出番古洞路。

入到麒麟山路就有幾條支路,可以去到好多地方。

搵唔到再回覆。



發表於 26-7-2018 16:58:35 | 顯示全部樓層
egg_studio 發表於 23-7-2018 10:00 PM
開乜鬼?原本「越野版」單車徑正興建為石屎「平地版」單車徑,等一兩年通車時先去啦。依家可以踩住附近嘅 ...

轆這條單車徑興趣不大,如果轆佢只因最快及安全到達元朗。

睇返粉嶺往大埔這條單車徑,係多人轆,但遠遠不及大埔至沙田/大尾督,等到上水至元朗打通後,相信亦不會多人使用。
 樓主| 發表於 27-7-2018 12:06:21 | 顯示全部樓層
DominicNg@G 發表於 26-7-2018 04:58 PM
轆這條單車徑興趣不大,如果轆佢只因最快及安全到達元朗。

睇返粉嶺往大埔這條單車徑,係多人轆,但遠遠 ...


我同意,始終沙田至大埔係一氣呵成單車徑 + 風景靚,反而大埔至上水斷斷續續……我留意上水至元朗段,雖然未起好,但知道同樣斷斷續續,多次穿插新田公路及青山公路左右線。
發表於 7-5-2015 23:04:15 | 顯示全部樓層
Hello 師兄,

本人居於天水圍, 本人及其他車友對這條「越野」單車徑 + 軍營 + 麒麟山路線十分感興趣, 幾位車友也間中會踩軍營, 但對其餘2部份卻毫無頭緒!

可否賜教小弟, 「越野」單車徑 及 麒麟山山路 的出口及入口在那裡? 因我研究了一段時間也找不出來, 謝謝!

KC
發表於 8-5-2015 05:59:45 | 顯示全部樓層
師兄,

解釋得好詳細, 大概知點行, 謝謝師兄!

可能今個星期日去睇下!

THANKS AGAIN!

KC
發表於 8-5-2015 19:25:06 | 顯示全部樓層
師兄,

想問在圖中分叉沿紅線踩上山, 山上的路是否適合踩車?

KC
Road.jpg
 樓主| 發表於 8-5-2015 20:35:30 | 顯示全部樓層
圖中地區正正係上文嘅「一個天平山咁大嘅「XC 拜山場」」。你踩得掂天平山,呢度應該冇乜問題,只係野草多好多。(我新年去過,經過清明後情況就唔清楚)
發表於 8-5-2015 23:28:39 | 顯示全部樓層
謝謝師兄!
發表於 10-5-2015 18:17:10 來自手機 | 顯示全部樓層
今日去左'越野'單車徑,個後欄閘已经被移除,出入都好方便。反而個XC拜山建了一個大閘,不過沒有上鎖,但旁边豎立了'私人地方,不准進入'的告示。我們照入,入到去仍然很多野草,因地面太濕,我們直踩去到另一邊出蕃去。之後下微雨,我們便打道回府,下次先去麒麟山路。
 樓主| 發表於 10-5-2015 22:39:30 | 顯示全部樓層
kingswoodkc 發表於 10-5-2015 06:17 PM
今日去左'越野'單車徑,個後欄閘已经被移除,出入都好方便。反而個XC拜山建了一個大閘,不過沒有上鎖,但旁 ...

咁過幾日都去睇睇乜情況先。
發表於 11-5-2015 00:53:43 | 顯示全部樓層
有機會都要來操操
發表於 11-5-2015 13:11:37 來自手機 | 顯示全部樓層
有個車友指,過左新田球場後,會有另一條竹林XC路
 樓主| 發表於 11-5-2015 13:45:33 來自手機 | 顯示全部樓層
應該係同一條。你有冇留意當差唔多去到廢屋後欄時,有一條分叉路向右,果條路就係出番新田球場。如果你唔係講呢條,咁就值得去探探。
發表於 11-5-2015 13:51:15 | 顯示全部樓層
應該唔係同一條, 以下由車友阿偉提供的照片:
WaiBike2.jpg
WaiBike.jpg
發表於 11-5-2015 14:56:04 | 顯示全部樓層
egg_studio 發表於 11-5-2015 01:45 PM
應該係同一條。你有冇留意當差唔多去到廢屋後欄時,有一條分叉路向右,果條路就係出番新田球場。如果你唔係 ...

我地昨天應該係行左出新田球場果個出口, 我們誤以為果個出口就等於人地後欄


 樓主| 發表於 11-5-2015 16:08:14 | 顯示全部樓層
睇個路牌就知係越野單車徑!

睇番「官方地圖」,有記載呢條竹林越野路:

Screen Shot 2015-05-11 at 4.17.36 pm.png

既然有相,搵日去竹林路及拜山 XC 場 update 一吓大家!
發表於 11-5-2015 21:45:27 來自手機 | 顯示全部樓層
o甘就要麻烦師兄,不過都要等好天及地乾
 樓主| 發表於 12-12-2016 15:50:18 來自手機 | 顯示全部樓層
近日坐車經過,見到單車徑有工人開工了,入口有政府工程人員做緊嘢。

IMG_20161209_155131.jpg
發表於 13-2-2017 17:22:43 | 顯示全部樓層
呢篇報導係未講緊呢條" 屯門至上水「越野」單車徑 "?

http://hk.on.cc/hk/bkn/cnt/news/ ... 0210_00822_001.html
 樓主| 發表於 14-2-2017 00:22:41 | 顯示全部樓層
係~~ 其實呢條單車徑響好多年前所有樹木都已 mark 咗編號,我都有影過相出嚟。
 樓主| 發表於 14-2-2017 00:25:48 | 顯示全部樓層
此外,呢個 post 係 2 年前寫,當時我話

事實上,翻查大笪地「官方地圖」,響 1993 年嘅版本上,搵到呢條路,當時用途估計係興建公路時用嚟運送物資嘅 service road。


前排我問過本地人,原來唔係 service road,係未起高速公路前嘅「鄉郊馬路」,我有機會會查查舊地圖睇吓係咪真?
您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 28-3-2024 07:59 PM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表