「東江之水越山來」東江水遺蹟探索之旅（上）
1960 年內地早已將深圳水庫淡水供應香港，但 1963 年香港旱災，令港英政府不得不低頭，向內地要求增加供水，但深圳水庫都唔係話有就有，於是興建「東深供水系統」，將東江水引到深圳水庫然後輸至香港及其他國內城市。1965 年內地向香港開始東深供水工程，至 2003 年之間，東深供水系統進行幾次擴建及改建，將輸水河道從石馬河改為專用輸水管道，大幅減少因石馬河沿岸發展而造成的污染。↑↑↑↑↑ 以上歷史的詳盡故事會在稍後文章介紹 ↑↑↑↑↑↑
重點是，2003 年後，原本的輸水河道（石馬河）完成歷史使命，成為一條冇乜水流動的河道，原本用作抽水的 6 座閘壩 和 8 座抽水站部分停用，成為歷史遺蹟。
疫情前開始東江水研究項目，不幸是，實地考察遺蹟前封關，一等三年，前排趁揸開車上中山及東莞（已另文介紹），從東江入水口沿石馬河南下，至深圳水庫，遊覽閘壩及抽水站，及 2003 年後興建的專用輸水管道 — 因為專用輸水管道是渡槽及地下密封管道組成，所以冇得好似石馬河咁跟住條河行。
我經常講「要追尾班車」，因為遲咗三年，原本「荒廢」的石馬河已進行緊改造工程，改成防洪及美化景觀（內地朋友指，可能是東莞雨污分流工程一部分），部分閘壩已重建或重建中，原本河道景觀改變，只剩下少許 60 年代風味（我文章會介紹）。
因為時間不足，所以上集是從東江入水口至上埔抽水站，下集是上埔抽水站至深圳水庫。
東江水入水口「新開口」；2003 年後改建為太園抽水站（照片影唔到，稍後影片有）。
旗嶺閘壩，左邊閘壩改建中，右邊唔知稍後有冇工程？
旗嶺渡槽，2003 年改建後代替石馬河，依家東江水就係經呢條渡槽輸送。
馬灘閘壩，又係工地中。
塘頭廈閘壩，都係施工中，好彩趕到尾班車。
竹塘閘壩抽水站，左邊係 90 年代新建，右邊舊建築。
沙嶺閘壩抽水站，又係做緊工程。
上埔抽水站，2003 年將舊抽水站改建成依家咁樣。
下集繼續~~~
支持原創, 好文要推:) leonkin 發表於 11-4-2023 03:49 PM
支持原創, 好文要推
就快有文 + 片啦
謝謝分享
頁:
[1]