EOS-5D vs EOS-5D MK2 vs EOS-6D ???

egg_studio

我部 EOS-10D 幾日前終於走到人生最後階段......

前排好彩冇買 EOS-M，依家正從三部 full frame 機考慮中，大家請俾 d 意見。

EOS-5D vs EOS-5D MK2 vs EOS-6D

我嘅用途 50% 風景 50% 運動；由於我算係菲林年代嘅人，所以特別鍾情 full frame -- 135 機。


EOS-5D -- 依家二手價約 $4000-$5000，十分抵玩。假如大家記得我部 EOS-10D，應該知道我影相不會錫機，所以二手幾適合。


EOS-5D MK2 -- 新機 body 不貴。睇番 spec，DIGIC 4 已經快過我部 EOS-10D 九萬八千里；EOS-10D 嘅 630 萬像素我都好少用，所以二千萬像素對我已經有多。拍片我唔會常用；Clear View LCD 也不大作用，因為一向影相時不會開 preview。


EOS-6D -- Body 價錢同 5D MK2 一樣，所以早前都問過幾個專業及業餘影相人，點解 6D 明顯功能及速度強過 5D MK2 好多，但價錢一樣？有幾個話因為 6D 係入門，而 5D MK2 係專業機？咁我諗，專業唔專業睇人，應該唔關部機事？我用部 10D 豈不是通殺？影運動方面，高 ISO 有着數，快門雖然慢一級，但當年玩過 8000i 已知道 1/4000 與 1/8000 並不等如 1/4 與 1/8。而有 ISO 50 令我諗番當年成日買嘅 Fuji Velvia 50 及柯達 ISO 25 (唔記得叫乜名了)。

GPS 對我嚟講有用 --- 其實近年用多咗電話影相，就係因為鍾意 GPS tag 功能，響 iPhoto 可以睇到響邊度影。"EOS 場景偵測系統" 又令我諗起 8000i 類似功能...... 仲有多重曝光，搞到成部菲林機咁。

WiFi 就冇乜用，因為唔係做 studio......

另一個考慮係，6D 連拍不限張數 (換快門對我嚟講已經係慣例)，屬吸引我嘅功能。內置電子水平儀也吸引，因為我早前曾經有衝動，因為 Sony 機有呢個功能，諗住轉會。

講到呢度，大家應該會認為我已經選了 6D，不過，其實考慮係，5D MK2 同 6D 點解會一樣價？睇牌面，5D MK2 輸 6D 好多，同 10D 輸 5D 一樣。而所謂專業唔專業我就絕不認同。

所以，其實有乜嘢係睇漏咗呢？

egg_studio

另外，有邊度修理相機介紹？如果價錢合理，想修理番 10D 當後備機。

(1) on-off 掣斷咗
(2) 快門 50%-60% 機會㩒完淨識對焦但唔影相 -- 由於 90% 時間用直倒，所以唔太影響工作。
(3) 關機時 buffer 長着，要拆電先用得番。

c_Foo

如果只影風景5D足夠有餘, 我依家仲Keep住, 好好用. 5D2亦是曾經擁有, 像素, ISO, AWB及中間點追焦比起5D進步但我唔喜歡黑白位, 感覺死黑死白. 6D只是係Canon展覽會試過一次, 除咗冇61點追焦外感覺似5D3, ISO, AWB, 高像素mon (可清晰睇到中唔中焦)及黑白位都表現理想.

機身我傾向買新, 內部電腦分析比舊機好, ISO AWB有明顯改善, 所以 6D 比 5D2 好, 就算測光模式亦有改進 (63區 VS 35區TTL測光), 快門反應爽咗, 只不過 6D 被 Canon 列為初階 FF (快門1/4000, 閃燈同步1/180).

影運動方面建議參考下5D3, 61點對焦似足1仔, 夾埋新鏡有明顯改善, 價錢貴多三份一, 但你一部機玩十年乜都抵返

c_Foo

維修 10D 何不原廠維修, CPS 有折, 幾時得到閒上去行返轉.

egg_studio

聽完你意見，更加唔明點解6D 會被定位為"入門"?道 Canon 為咗清舊貨而不願減5D價？我都聽過有d 新手/半新手—味話入門呀初階呀但又講唔出點解佢係入門初階。

係一個局！

egg_studio

5D MK3 就不考慮，因價位不吸引。同6D 或MK2 嘅差價可以買支不錯嘅廣角鏡，或買支carbon 頭叉。

egg_studio

c_Foo 發表於 22-12-2012 12:03 AM
維修 10D 何不原廠維修, CPS 有折, 幾時得到閒上去行返轉.

10D 方面，當年買番嚟連直倒 $1500，所以唔想花太多去修理.

之前有人整光圈都收一千，所以我估機價走唔甩。

Homan

Canon 定位、定價策略有點 Apple 影子，出左新款，舊款都唔會大減價，iPhone 就係一例。
5D2 本身係幾年前的機，而6D係今年新機，講電子 spec 一定係6D 全勝。
但相機級數仲有第二D考慮，包括機身設計及用料等等。
不過5D2已經有3-4年了，二手無保真係唔著買，除非你真係認識上手用家。
所以 egg 兄都係去 6D
如果係買淨 body 請出聲，因為我想要佢支 kit 24-105 IS
大家可以夾埋買

egg_studio

機身用料及設計方面我都有比較過，同樣睇唔出5D2同 6D 有大分別。

照睇我會出6D，所以你要kit 鏡就立刻 call 我。

Homan

我 definitely 要支 kit 鏡

egg_studio

剛才行過豐澤及百老匯，大家都有現貨，價錢係官價，同樣送新手三寶 -- 腳架、記憶卡、電池。

記憶卡我就需要，因為我仲係 CF 年代。

豐澤送 $300 百佳 coupon；百老匯用 HSBC 信用卡有 $200 回贈。

另外響某格價網站見，大部分細鋪頭行貨 body 做緊 $14800 左右。

Homan

去 Dcfever 果D 現金有少少折，我估可以做到你話的14800
要分期就去豐澤，佢會說服你買個3年保～

Homan

建議零售價：
EOS 6D 機身：HK$15,980
EOS 6D 連EF 24-70mm f/4L IS USM鏡頭套裝：即將發售
EOS 6D 連EF 24-105mm f/4L IS USM鏡頭套裝：HK$21,580  

朋友價$6000 啦

egg_studio

Homan 發表於 25-12-2012 01:23 PM
建議零售價：
EOS 6D 機身：HK$15,980
EOS 6D 連EF 24-70mm f/4L IS USM鏡頭套裝：即將發售

冇問題，你幾時買 / 過錢俾我 / 出嚟一齊買 (即買即分貨，好似水貨客咁) ???

c_Foo

一手交錢一手交貨, 千期唔好出古惑下

Homan

c_Foo 發表於 26-12-2012 12:43 AM
一手交錢一手交貨, 千期唔好出古惑下

人質o向對方手，我唔會報警架！

egg_studio

Canon 官網已經唔 quote EOS-10D 維修價錢，應該要攞去香檳搞......