找回密碼
 登記成會員
搜索
查看: 2448|回復: 4

[賽後報告] 「東江之水越山來」東江水遺蹟探索之旅(下)東江水舊輸水河道「遺蹟」探遊~~

[複製鏈接]
發表於 18-4-2023 01:16:22 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×


幾年前隊友寫過一篇東江水嘅英文文章,其實當時係同佢一齊做研究,因為好多資料是中文,佢睇唔明,最後英文版先出街,而我想做埋實地考察先出文,當一切準備就緒返大陸之時,遇上封關,一封就三年,所以呢篇東江水文章從籌備至完成,差不多用咗四、五年,算得上係我寫得最耐嘅文章。

用引號括住「遺蹟」,因為疫情前做嘅資料搜集,加埋問過東莞鄉里,知道二十年前東江水轉用新輸水管道後,舊河道呈半荒廢,最初以為河道及閘壩已經成為遺蹟,深入了解後,河道用作排洪 — 由於唔係經常排洪,所以污染好嚴重。

幾年前有啲人借東江水污染及價錢去「達到政治目的」, 斷章取義搬出一啲不能引證、廿幾年前的檢測報告、「倒水落海」,至近年有「 海水化淡平過東江水」的聲音,但不計算廠房的興建成本及污染問題。總之,東江水近年咁容易被用作政治工具,原因大概是飲就飲得多,但冇乜人知道東江水點樣流到香港,包括我響東莞的鄉里們。

本來今次是想以客觀記錄新舊輸水路線的景況,但通關前河道已進行整治工程,睇唔到原本河道係點?而本來以為係「遺蹟」嘅閘壩一直都有使用。

此外,今次頗重要的發現係,環顧網上、圖書館、水務署、立法局等等搵到的文獻,全部都冇提及東江輸水路線其中一條人工河道 XX 河(睇文及片有講~~ )。我實地觀察,只要跟住輸水路線行 / 踩單車,呢條 XX 河明顯到盲都睇得到!點解冇人提過?我諗係,對東江水工程最詳盡的紀錄是電影《東江之水越山來》,電影好蠱惑,只對 XX 河拍攝十幾秒影像,但冇旁述或介紹,結果令習慣「天下文章一大抄」嘅學者 / 港英官員抄漏 XX 河。

上集講到去到上埔抽水站,今集繼續:

詳盡故事請睇我文章~~~

IMG_20230328_153746.jpg

上埔抽水站旁邊是雁田水庫,水庫冇乜特別,所以唔係景點,但溢洪道就值得一看,因為同一個位置曾出現在電影《東江之水越山來》。


IMG_20230328_151133.jpg
既然去到雁田水庫,當然要踩單車環湖一周,湖邊有鐵路,有平交道,不過汽車行唔到,單車行人就得。


IMG_20230328_133540.jpg
白泥坑請睇影片,呢條唔係白泥坑,而係上文提及的「XX 河」。


IMG_20230328_131617.jpg
深圳水庫邊有一條渡槽,負責供水予深圳。


IMG_20230328_131026.jpg
呢度同東江水無關,踩單車經過時停一停懷緬下,這裏是沙灣二線,細個時返大陸要過二線。十年前左右逐步取消二線,歷史遺蹟建築拆咗。(另一幢近期先拆嘅二線係揹仔角二線)



深圳水庫~~

















IMG_20230328_125542.jpg

評分

參與人數 1積分 +40 收起 理由
leonkin + 40 支持原創

查看全部評分

發表於 19-4-2023 21:42:36 | 顯示全部樓層
深圳水库旁的梧桐绿道适合骑单车,由东湖公园进入,至新平村结束第一部分,这部分大都沿水库边行进,风景不错,共约8km多
 樓主| 發表於 20-4-2023 19:51:22 | 顯示全部樓層
fabio00000 發表於 19-4-2023 09:42 PM
深圳水库旁的梧桐绿道适合骑单车,由东湖公园进入,至新平村结束第一部分,这部分大都沿水库边行进,风景不 ...

我本來諗住回程時踩東湖綠道,咁就環深圳水庫一圈,不過當日時間不足,所以只好踩原路(水庫西側的沙灣路),下次搵日踩綠道去鹽田 / 三洲田,另文介紹!

發表於 21-4-2023 08:41:16 | 顯示全部樓層
謝謝分享
發表於 21-4-2023 08:55:42 | 顯示全部樓層
egg_studio 發表於 20-4-2023 07:51 PM
我本來諗住回程時踩東湖綠道,咁就環深圳水庫一圈,不過當日時間不足,所以只好踩原路(水庫西側的沙灣路 ...

莲塘口岸过关,东湖公园南门入,走梧桐绿道到新平村/大望村,转往梧桐山方向,到梧桐山村走原边防线(石板路有点颠簸)到盐田
您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 20-6-2024 06:57 AM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表