沙頭角支線遺蹟 — 中期報告

egg_studio

沙頭角支線於 1911 至 1928 年間營運，一個世紀過去，除咗廣為人知嘅孔嶺站及沙頭角禁區內嘅「電線桿路軌」外，鮮為人知嘅遺蹟仍有不少，包括早前出文介紹散落香港各處的沙頭角線（或規格）舊路軌。


因為仲有幾個地點要發掘，所以先將現有資料分享一下，因此叫「中期報告」，稍後完成後會有詳盡地圖、影片及圖文紀錄，敬請留意。


我將沙頭角支線粗略分為兩段，第一段是粉嶺至禾坑，第二段是禾坑至沙頭角。


1) 第一段因為 100% 變成沙頭角公路，除咗係人都知嘅孔嶺站外，再冇其他發現了；


2) 第二段因為走線問題（詳盡版會有解釋），仲保留好幾段路基及橋躉。


我嘅切入點係 20 年代航空圖，清楚睇到整條鐵路，仲隱約見到一列火車！有呢張航空圖，就好容易對照到「官方地圖」，加上幾條村嘅村公所相助（仲有禮物收……請看另文）於是，沿走線深入鄉郊，自然有發現。



至出文呢刻，基本上已找到從禾坑至沙頭角嘅路基、2 個橋躉、涵洞及懷疑水塔，亦有當地人口述軼事，此外，同沙頭角線有少少關係嘅電報桿都有發現。現在尚有一小段路基及其他橋躉要發掘，搞掂就可正式出報告。









禾坑的路基。





懷疑水塔 — 據文獻記載這裏有供蒸汽火車頭加水的水塔，不過，從外觀不能斷定是當年的水塔抑或農田灌溉水塔？





大朗的路基。





禾坑的橋躉。





麻雀嶺的橋躉。

james97

Thank you for sharing!

野孩子

謝謝分享

leonkin

我都十年前的影的, 石躉上仍有路軌痕

leonkin

水箱都好大機會係火車用，因為果邊田地直接引紅花嶺溪水入田灌溉多

choiMatthew

great research here... look forward to the final report

egg_studio

leonkin 發表於 28-8-2020 10:15 AM
我都十年前的影的, 石躉上仍有路軌痕

呢個位今時唔同往日了，依家森林咁，橋墩遺址畀大樹「食」住，如果唔知來龍去脈，已經睇唔出係橋墩

兩個凹槽唔係放路軌的，而係放橋樑，路軌鋪響橋樑上面。

我努力啲，快啲報告埋單~~

leonkin

egg_studio 發表於 28-8-2020 11:48 PM
呢個位今時唔同往日了，依家森林咁，橋墩遺址畀大樹「食」住，如果唔知來龍去脈，已經睇唔出係橋墩

兩個 ...

原來如此，好彩當年拍下，我直情想秋涼跟大大你行一次添

報告慢慢啦，慢工出細課

egg_studio

leonkin 發表於 29-8-2020 10:21 AM
原來如此，好彩當年拍下，我直情想秋涼跟大大你行一次添

報告慢慢啦，慢工出細課

係呀，你啲相好清楚，依家你唔講根本睇唔出有橋墩。

我仲要探多兩個橋墩位及少少路基，整埋影片，文字就寫好曬，預一至兩星期有嘢睇。

不過，睇到你話跟我去，我突然諗到，不如畫張「旅遊圖」先！（去搵贊助）

leonkin

egg_studio 發表於 30-8-2020 08:06 PM
係呀，你啲相好清楚，依家你唔講根本睇唔出有橋墩。

我仲要探多兩個橋墩位及少少路基，整埋影片，文字就 ...

期待你 加油呀~ 有咩需要大家PM啦~

egg_studio

近期去多沙頭角一帶兩次，目的係尋找走線上嘅火車橋，不過兩條目標火車橋都未搵到（好大可能性係已經完全拆毀），不過，響大朗村嘅路基上，偶然發現另一條火車橋的遺蹟。









此外，因疫情而關閉嘅沙頭角農莊，莊主得知我來研究沙頭角支線，特別開門招待，因為農莊內保留了一段完整的路基，及莊主認為是當年石涌凹站售票處的建築物地基（現已復修，變成沙頭角鐵路資料館），不過，從 20 年代航空圖所見，該建築與沙頭角線無關，而石涌凹站應該位於農莊外，詳盡分析請留意稍後報告。






嚟到沙頭角農莊，當然要去火車頭打卡！

shiulung

好正

leonkin

好努力的有心人

野孩子

有心有力，謝謝分享。