訂造復古鋼管車架 -- 團購完成！

egg_studio

早前搵到一間國內 OEM 單車廠，代工生產某牌子嘅鋼管車架，不過該廠都收「客製」order，即時度尺畫樣，send 個圖樣上去打價。

經一番來來回回 QQ 商討 -- 例如有 d 設計造唔到、有 d 位置上色會做得唔好、有 d 位不能電鍍等等 -- 差唔多搞咗一個星期，設計最終定案，保守得嚟又唔老土，價錢相宜。

生產過程約兩個星期多 d ，製成後，先送往上海自行車展展出，然後先運到香港。先幾日收到，將舊車過架，結果如下：




以舊架同樣嘅「Fairlady 橙」為主調，配電鍍位。車廠送埋牛皮袋一個。



Velo Orange 出品嘅蝴蝶頭、Colnago 舊鵝頸、Tektro 手掣、雜嘜前 C 夾、BMX 年代倒後鏡 -- 整體以電鍍為主。



Velo Orange 復古前餅、SRAM Force 波撥、XERO 全電鍍鈴，惟美中不足者，就係配唔到靚嘅電鍍波腳，所以用住 Apex 玩住先。

另外版主都 order 咗一架，遲 d 等佢搞掂先出 post。

hongdonald

剛代工牌子是否b字頭？

egg_studio

近來 update......

訂購復古 / 遠古單車常用嘅 center pull brake，Dia Compe 出品。



車頭 brake 連埋一個裝飾多過實用嘅行李架。