Discuz 教學 -- 機械人出沒注意!! 修改 register.php 防止大陸機...

egg_studio

尋日一天內有 49 個機械人出現，原因係我尋日做維護時，將「登記會員」之網頁還原為 register.php，令機械人自動識嚟註冊。

Discuz 雖然以 forum / CMS 系統嚟講，功能算強大，不過由於大陸實在大多人用，所以吸引咗唔少人 / 廣告公司，不斷開發廣告軟件，自動響 Discuz 註冊及出廣告。響港澳及國內，呢類廣告軟件，統稱為「機械人」。

自從大笪地升級為 Discuz X2 後（現為 X2.5），配合以下方法，幾個月嚟都冇見過機械人出沒。

• Discuz Admin --> "註冊與訪問控制" --> "註冊地址" -- 將 register.php 改名為隨機字母及數字，例如 dshfrtqqqads081099awkifjlhsf.php。
• "新用戶註冊驗證" --> 人工審核。不要用「無」及「Email 驗證」，因為國內之廣告軟件，已經可以自動 sign up 一個 Gmail 或 QQ 電郵，自動做埋 Email 驗證。
• 不過，可以考慮將香港、台灣及澳門列入「不受新用戶註冊驗證限制的地區列表」，因為暫時未見廣告軟件可以用到港澳台三地之 IP。（見圖一）
• "防灌水設置" --> 開啟驗證碼 -- 驗證碼可以防止部分機械人，但唔係 100%，因為廣告軟件之 OCR 能力越來越強。另外，呢個 setting 唔可以太難，否則連人類都睇唔到就麻煩了。
• "驗證問答設置" -- 唔好用「原裝」嘅問題（例如下圖入面果啲 "100 以內加減法"），因為機械人已識答，甚至識睇自定嘅 23+23=? 之類。因此，要諗一啲人類先睇得明嘅問題，例如文字題。對於大笪地，由於目標讀者群主要係香港人，所以設定咗好多條香港人一睇就識嘅題目。另外，要使用繁體字 -- 要了解，廣告軟件有一個功能，就係收集啲佢唔識答嘅問題，然後交俾廣告軟件主人（人類）回答。（見圖二），繁體、甚至廣東話嘅問題+答案嘅優勢係，由於軟件主人好難打到繁體字及香港字，佢地想答都答唔到。（當然，呢個方法會令國內網民遇到麻煩，所以要從網站之定位及目標讀者群作考慮及取捨。）
• 有時間就上 Discuz 官網，留意吓其他版主最近有冇最新機械人消息，或者直接去機械人/廣告軟件嘅官網睇睇最新機械人有乜新功能等等……知己知彼也。
  

圖一：用「人工審核」。


圖二：用文字題。



圖三所見，機械人原來冇幫自己改名；佢地都係用隨機中文字做姓名，及用 Gmail 做 email，所以一睇就知。

希望同國內長城部門反映吓，唔好俾啲機械人偷渡嚟香港。

Homan

D名改得好搞笑… 「孔怕坐」…