找回密碼
 登記成會員
搜索
查看: 5954|回復: 9

東部華僑城走馬看花遊 (連載完畢)

[複製鏈接]
發表於 7-4-2011 00:35:03 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×
先兩日同大笪地某會員+朋友,一行6件,到東部華僑城兩日一夜遊。

東部華僑城最出名當然係上年一個機動遊戲出咗事,搞出人命,所以有一排少咗好多人去。我去過呢個機動遊戲地點,不過呢個係第二日嘅行程,留待稍後介紹。

第一日因為要返工關係,搞到放工後先出發。經沙頭角過關後搭巴士J1線去到華僑城門口,車費兩皮,半個鐘唔駛就到。(上次惠州單車團都係用大約半小時就踩到大梅沙)

DSC02518.jpg

我有朋友早前去過,話華僑城好大,我亦睇過衛星圖,size 就有 Disneyworld 咁大,當然冇 Disneyworld 咁密集,不過假如佢慢慢發展,而又有心去發展,潛力不容忽視!不過,就係衰在 "有心去發展" 呢個 point 上...... 點解?話說我朋友晨咁早入咗去,玩咗半日,走馬看花遊咗其中一個 theme park -- 茶溪谷 (另外一個 theme park 叫大俠谷),之後約埋響茶溪谷門口等,一齊食飯。

朋友反映,華僑城一夠鐘就收工,事前冇廣播,突然 theme park 清場,餐廳落閘,保留住大陸80年代初開放初期的工作風氣。而我就由華僑城門口搭接駁巴士,搭咗半個鐘先去茶溪谷門口,可見地方佔地廣闊,真係同傳聞一樣。

餐廳落閘,所以就到隔離嘅酒店開飯。酒店入面只有兩間好貴同幾貴嘅餐廳。好貴果間報稱意大利餐,不過睇睇 menu,原來只係香港茶餐廳果d焗肉醬意粉、Pizza等港式食物,但配d六百幾蚊一杯、名不經傳嘅紅酒,所以呢間餐廳target應該係國內d大款。

咁我地行過隔離間幾貴嘅餐廳,反而呢架正路好多--正常遊客區價錢嘅萬國餐。漢堡包、三文治、海南雞飯、星州炒米、港式下午茶乜都有,而且環境裝修同好貴意大利餐廳差唔多。

DSC02436.jpg
之後返酒店。我地租咗"火車營地" -- 含佢夠特色。酒店係由一列軟臥列車組成。我地選了雙人房,即係火車世界嘅高包。

DSC02435.jpg
"列車"唔多住客,可能呢d軟臥對大陸同胞唔新鮮,因為高鐵開通前佢地年年春運都會迫一次,所以呢d概念只係對我地d香港人或者外國遊客有吸引。不過,過多幾年,大陸高鐵開通晒後,呢d軟臥、高包又會成為所謂集體回憶,到時d80後會唔會又乘機搞搞震呢?唔知,不過事實係,我地應該少咗好多機會坐。

DSC02452.jpg

DSC02439.jpg

早上由車頭行去車尾。其中一位朋友係有份起青馬大橋嘅著名工程師。佢每次去旅行都會研究吓人地點樣起一樣建築物,今次都一樣唔放過。因為火車卡位於華僑城高山上,而山坡陡峭,大家都諗唔明,響工程學上,點樣搬呢列火車上山,不過最後都不禁講句,中國人想做的話,冇乜嘢係做唔到。

早餐後就開始呢日嘅行程...... 明天繼續。
發表於 7-4-2011 16:45:37 | 顯示全部樓層
本帖最後由 willywong 於 7-4-2011 04:48 PM 編輯

除左我要夜上早走外,真的有啲山長水遠,其他设有意見
 樓主| 發表於 8-4-2011 00:26:55 | 顯示全部樓層
呢個係你簽證嘅問題,同華僑城冇乜關係.......
發表於 8-4-2011 09:54:22 | 顯示全部樓層
回復 3# egg_studio

呵呵… willy北上會有「簽証」問題?
發表於 8-4-2011 14:16:11 | 顯示全部樓層
係呀,好大隻「大人客」係回鄉咭度
 樓主| 發表於 11-4-2011 23:00:21 | 顯示全部樓層

RE: 東部華僑城走馬看花遊 (12-4-2011 update)

第二天一起身就食早餐。早餐就係全中國95%酒店供應的 "酒店豐富早餐" 樣式,所以食完就走得,冇嘢好介紹。

DSC02454.jpg

先到隔離間 Interlaken Hotel 等接駁車 (套票唔包,$10位),接你到另一 theme park "大俠谷" 正門。因為 theme park 開九點,所以一開始我地就搭纜車上山,原因係避開果班被機動遊戲吸引嘅同胞。

纜車座位上有安全帶,我開頭覺得奇怪?一開車,纜車行得好快,基本上係一架過山車。約四分鐘已經上到山頂 (剛才用約半小時從山頂搭接駁巴落嚟)。然後再轉另一架纜車,搭去一處深山野嶺。果度係一個火車站,可以搭火車到另一個 theme park 及酒店。

DSC02470.jpg

DSC02472.jpg

搭咗約半小時火車 -- 架車真係行得好慢,大約同快步行差唔多速度 -- 到達 "茶溪谷"。呢處主要睇風景,大部分地方為茶園,另外有 d 花園及熱帶植物園。

DSC02492.jpg

人工濕地對岸就係尋晚住的火車酒店。

DSC02493.jpg

例牌維園式花海景。

因為時間關係,花咗 $30 搭電動車遊覽,因為地方太大,唔夠時間用腳行。電動車每站停停,可以落車行完附近景點再搭另一班。

DSC02498.jpg

DSC02499.jpg
當日濃霧深鎖,遊茶園另有一番風味。

明天繼續......
發表於 12-4-2011 14:46:13 | 顯示全部樓層
什麼意思?
好大隻「大人客」係回鄉咭度
發表於 12-4-2011 15:19:38 | 顯示全部樓層
什麼意思?
Homan 發表於 12-4-2011 02:46 PM


簡單易明.
老虎
 樓主| 發表於 18-4-2011 23:03:11 | 顯示全部樓層
搭電動車遊茶溪谷的確係唔錯嘅選擇,因為齋行真係可以花一日。


DSC02498.jpg

DSC02516.jpg

吊橋下係一個濕地,不過平心而論,呢種內陸嘅濕地比香港常見嘅咸淡水濕地冇咁多嘢睇。生物學上嚟講,物種多樣性較小,所以 theme park 入面有幾條穿梭濕地嘅木棧道,我地只係隨意行咗兩三條。

DSC02509.jpg

之後到一個小鎮風貌嘅飲食區。正值中午,見有條友削得咁過癮,就入去幫趁食碗刀削麵。

DSC02513.jpg

DSC02515.jpg

DSC02512.jpg

一碗牛腩刀削麵、一碗炸醬刀削麵。另外響另一檔買咗兩串蒙古燒羊肉及水煎飽。

DSC02511.jpg

門口仲有幾檔,賣炸香蕉、春卷、重慶酸辣粉 (近幾年大陸突然好興重慶酸辣粉,真係唔知係乜政治原因) 豆腐花等等"立"雜嘢。

附近有幾個以整豆腐、炒茶、釀酒為主題嘅展館,其實係賣豆腐、茶葉、酒為主,文化保育水平唔高,走馬看花無妨。

坐完電動車遊咗一圈後,就返到尋晚食飯果間酒店 (即係好貴同幾貴嘅餐廳果度)。注意吓下面張相係官方相,而第一個 post 果張係實景,有幾大差別就視乎閣下主觀了。

Screen shot 2011-04-18 at 10.58.27 PM.jpg

咁茶溪谷就玩到呢度。之後坐番頭先架森林小火車去另一個 theme park。

明天繼續......
 樓主| 發表於 29-4-2011 00:45:27 | 顯示全部樓層
另一個 theme park 叫大俠谷。顧名思義,就係老抄美國大峽谷,特別係當中嘅玻璃底觀景台。
遊客,本帖隱藏的內容需要積分高於 5 才可瀏覽,您當前積分為 0


就咁就走馬看花咁玩咗東部華僑城,呢個 post 到此完結,請留意稍後嘅 "陽朔單車之旅"。
您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 29-3-2024 11:05 PM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表