新界西北踩單車探朋友（多相）
早前見好天，踩單車從北區去元朗探朋友。元朗耐唔中會去，咁有乜特別呢？就係踩一架可以融於自然環境嘅單車。從北區去元朗，踩單車有幾條路線，分別係：
[*]粉錦經石崗、錦田去元朗。
[*]跨過牛潭尾山坳，沿牛潭尾軍路去南生圍，再到元朗。（請看「消失的路」消失之謎）
[*]最多車友踩嘅青山公路，經新田段去元朗。（可參考新年漫走 -- 屯門至上水「越野」單車徑 + 軍營 + 麒麟山）
[*]由村路去軍營，經軍營去南生圍……
當中最危險應該係粉錦公路，車多（貨櫃車、紅 van）路窄，連行人路都唔夠一呎（不是一米）。當日踩買餸單車（當然唔着單車衫），先沿村路去蓮塘尾，入粉錦，過咗消防學校又入番村路，經過幾處私人地方，因為踩買餸單車關係，冇人會理你、連惡犬也不吠、山羊又當你透明。其中粉錦一段踩行人路，都係冇人理你，完全變成一個鄉下人。
去到元朗一帶前，朋友未返到屋企，於是順路一遊水尾村幾個名勝。
平日踩粉錦去元朗，一般花 20-25 分鐘，用買餸單車、極速得 15km/hr 左右，加上行村路，大約用個半鐘。雖然慢，但確實係新體驗。
先從隱蔽村路出發。
經過荒廢農田。（呢度大約荒廢咗年半左右）
經過探險版出過 post 嘅「廢棄豬欄」，依家已圍板，入面開工清拆。
之後經過探險版會員先排去完嘅建德公校。
呢處係上水雙魚河上游 -- 担水坑。平時經過都冇停低睇吓，今日慢慢踩，停一停看一看。
担水坑有充氣水閘，細看黑色果啲係塘蝨魚，大約 75cm 長，非常大條，一眼望落去有六、七條。
充氣水閘另一邊。
河旁係將東江水輸至大欖水塘嘅水管。
轉入橫台山，沿排洪渠（錦田北河）向錦田方向去，中途遇羊群。
高鐵地盤。相中建築物係隧道的直井，裏面大約有二十米闊。
響香港比較少見嘅鐵橋 -- 據當地人講，政府一般會起石屎橋，而呢條鐵橋係村民自資起。
天后廟。
著名景點「樹屋」。屋前有文字紀錄說明樹屋嘅歷史。
村入面廢棄魚塘。
鄧公祠。
二帝書院 -- 開放時間：朝九晚五。
二帝書院過去係卜卜齋，英殖時代曾經做過小學，高峰期有 30 學生。
之後去到朋友屋企，完成新界西北單車遊。
同第一次去金門果架比較，邊架難踩D先？ 呢架係自己車，有日常保養，性能不比其他車差㗎 如果唔要求速度，淑女單車好踩過RB及MTB kingswoodkc 發表於 30-5-2015 01:08 PM
如果唔要求速度，淑女單車好踩過RB及MTB
係，特別係穿過一啲私人地方，例如貨櫃場，鄉下人打扮又安全又方便。
不過，睇番 GPS，響粉錦落斜，原來都有 40km/hr。
淑女單車 40km/hr, 一個字: 勁!
睇清楚，40公里係落斜。 egg_studio 發表於 31-5-2015 08:04 PM
睇清楚，40公里係落斜。
當然有睇到！
落斜40公里唔算快啦
頁:
[1]