找回密碼
 登記成會員
搜索
查看: 17515|回復: 39

[賽後報告] 蓮麻坑礦場:3、4、5、6 號洞(外)探秘

[複製鏈接]
發表於 4-6-2015 13:50:58 | 顯示全部樓層 |閱讀模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×
日前炎熱天氣警告高掛、烈日當空,當然係做戶外運動好時機!

早前單車遊蓮麻坑礦場,一遊幾個廢棄礦洞洞外。早前有行山者雖沒有進入礦洞,但可能對地形不熟悉,或者一路行一路玩手機,所以直墜礦洞豎井,不幸身亡,因此,請大家若冇足夠裝備、礦洞地圖入洞及攀爬經驗,切勿入洞,免生危險。

DSC04030.jpg
先搭的士上紅花嶺,嚟一張例牌風景相。

DSC04061.jpg
其實至今未清楚坊間對洞名的命名方式,若從位置由低至高編排的話(這是大部分常見做法),這被藍色鐵閘封閉的洞是 3 號洞旁邊的一個試探洞(同樣被閘落閘),只有兩米深。此洞旁邊的 3 號洞是漁護署長期監察蝙蝠的位置,洞內結構穩固,但同樣被封,切勿進入。

被封的洞……有書籍記載是 3 號洞,亦有網上行山後記指是 5 號洞。但若從各洞位置從下而上編排,藍色鐵閘的應是 3 號洞,原因有三:

  • 3 號洞向上走是被封的 4 號洞,下文有相;
  • 4 號洞上又有近期因山泥傾瀉而外露的 5 號洞,而 5 號洞之上,就是著名的 6 號洞。
  • 負責監察蝙蝠的是認識的人,所以佢話 3 號就 3 號……

DSC04063.jpg
早年被封的 4 號洞。外面仍可見運載礦石的鐵路路軌。

DSC04062.jpg
從高看 4 號洞。

DSC04034.jpg
4 號洞之上的 5 號洞。此洞有兩出口相連,約深 30 米,內有支路幾條,全是盡頭。起初以為與 6 號洞連接,但最後確認不相通,但另有發現(另見蓮麻坑礦場:3、4、5、6 號洞(內)探秘)。

DSC04068.jpg
差不多 45 度的礦坡。

DSC04065.jpg
從礦坡滑下,半分鐘即到坡底!若身手不佳,不遠處有石級往下。

DSC04071.jpg
於日侵時期被炸毀的貨倉,另見雨中遊蓮麻坑礦場
 樓主| 發表於 28-7-2015 21:09:46 | 顯示全部樓層
AuYiuShingEd@G 發表於 27-7-2015 10:33 PM
多謝版主提點,我定會小心的,我也会考虑買部氣體探測儀以供活動安全

既然你咁堅持自己入洞,咁有幾點你要注意:

  • 電筒不需強力;強力電筒會令你失去方向感,亦令你反而睇唔到直井。你若有入洞經驗就會明白 -- 所以,你有時睇 Discovery,入洞都係用頭燈,有時仲會用昏黃果隻。
  • 電筒一定要後備,電芯都要有後備,千萬不要用電話當後備電筒。
  • 手套 + 頭盔 -- 我地玩開都成日撞到頭。
  • 急救包。
  • 因為蓮麻坑收唔到香港電話網絡(有時收到,但打唔出),所以要準備漫遊或國內電話卡。
  • 有需要求助時,可以衝落山,到禁區鐵絲網,搵部 CCTV 揮手求救。
  • 出發前講低俾「有經驗、熟路」嘅人知(希望你有啦),安全出洞就向佢報平安。親身例子:我平時入洞前會 call 版主,話佢知去邊個洞、乜地區(我地當然有晒全港礦洞內地圖,有晒名稱 / 街名),預計出洞時間。若到時版主收唔到我電話,就會嚟救我。因為版主識路,就算要 call 999,佢都可以清楚指出我去咗邊。例如蓮麻坑,若你不幸跌入直井,你 call 999,警察都唔知個直井通去邊,呢個時候就會 call 版主了。

總之,蓮麻坑死過人(跌落直井),所以千萬要小心。


 樓主| 發表於 24-7-2015 12:23:02 | 顯示全部樓層
5542 發表於 23-7-2015 10:24 PM
先謝師兄賜教。

想請問所謂六號洞係淨指廳內靠右(南面)那個,

你好,我地一般都稱你相片果度叫 6 號洞(包括 1 及 2)。至於點解叫 6 號洞,主要有兩個原因:

  • 坊間有一本書,詳述蓮麻坑嘅歷史,其中記載當年係以海拔高度、由低至高排列礦洞,你照片果個係第六個,所以叫 6 號洞。
  • 我有朋友響礦洞做生物研究,佢地學術上都係以上面嘅命名方法。

當你入 1 後,就係地下湖。其實若你游入湖,入面有路通往隔離。再深入 1 的話,你會上上落落大約百多米距離,就會發現去返原來地方,咁就行咗一圈。另外你提過嘅直井,你見到「對面條路」係可以響某地方入去,但掘頭嘅。至於向下,則通向另一個礦洞(此路需要游繩)。

至於 2 ,你都應該知道,入面係一個十分大嘅空曠「大廳」,裏面有幾條通道,其中兩條係相通,大約 50 米多啲。

入礦洞有一定危險,特別係冇識路及識攀石嘅人帶住,好容易迷失,最嚴重係跌落直井(有時,因為洞內環境問題,電筒未必照到你腳邊嘅直井,特別係對冇乜礦洞經驗嘅人),所以萬萬要小心!


 樓主| 發表於 21-7-2015 12:10:11 | 顯示全部樓層
5542 發表於 21-7-2015 10:21 AM
早兩日o係粉嶺站截的士無人肯去, 最後要o係山腳徒步上山, 咁就一粒半鐘...

上紅花嶺條軍路(注意:果條路不是叫「紅花嶺路」)的士及 van 仔係有權唔去的,因為的士及 van 仔保險唔包。

又講多少少:

我問過響上面工作嘅朋友(請睇番上文),佢地租 van 時,需要得到 van 仔牌保,然後幫佢地買一份當日用嘅保險,咁先租到車。此外,由於呢個關係,佢地不能租 gxgxvan(希望大家估到點解啦 ~~ )。

發表於 4-6-2015 19:39:26 | 顯示全部樓層
發表於 21-7-2015 10:21:47 | 顯示全部樓層
早兩日o係粉嶺站截的士無人肯去, 最後要o係山腳徒步上山, 咁就一粒半鐘...
發表於 21-7-2015 21:41:50 | 顯示全部樓層
當日入洞時, 於大廳中可以走一圈的那個洞(唔知各位師兄通常點叫)發現好多石塊都好峰利, 唔知係人工造成定其他原因?
 樓主| 發表於 22-7-2015 18:09:30 來自手機 | 顯示全部樓層
礦洞內石頭大多係人手或用炸藥開鑿,不是天然的。
 樓主| 發表於 22-7-2015 18:11:19 來自手機 | 顯示全部樓層
「走一圈」果個應該係指六號洞,但六號洞有兩條路都可以「走一圈」。我地都係叫果處「大廳」。
發表於 23-7-2015 22:24:37 | 顯示全部樓層
先謝師兄賜教。

想請問所謂六號洞係淨指廳內靠右(南面)那個,
定係指包括廳內外的成組礦洞, 即圖中那組,
另一條可以「走一圈」的路又是指那一條?

當日另外入過既係「1」, 一落到去就見到應該係傳說中既「地下湖」,
對面有一疑似直井, 話「疑似」係因為見對面尚有通道,
之後見分叉路開始多, 加上時間及裝備都不足, 就無再深入。
發表於 25-7-2015 01:31:12 | 顯示全部樓層
唔該晒師兄, 真係獲益良多。
因為自己其實對本土歷史研究有興趣, 亦有行開D冷門山路,
希望日後有機會一齊尋幽探秘
發表於 25-7-2015 13:20:52 | 顯示全部樓層
> 我有朋友響礦洞做生物研究
版主朋友需要義工嗎?上山下海都無問題,閒日亦能調道時間參與
 樓主| 發表於 25-7-2015 21:32:12 | 顯示全部樓層
wongdavid 發表於 25-7-2015 01:20 PM
> 我有朋友響礦洞做生物研究
版主朋友需要義工嗎?上山下海都無問題,閒日亦能調道時間參與  ...

果份係 full time 位;你(或我)做義工的話就打爛人地飯碗了。

發表於 26-7-2015 14:20:26 來自手機 | 顯示全部樓層
我本來打算今天去蓮麻坑礦洞探險,由於天氣不隱定所改日去,請問版主新手行那—個礦洞較好?
 樓主| 發表於 26-7-2015 22:35:54 來自手機 | 顯示全部樓層
新手切勿自己去,應該搵熟悉礦洞內部情況及有豐富入洞及攀爬經驗嘅人帶你去。
發表於 27-7-2015 00:03:53 來自手機 | 顯示全部樓層
我會帶强力电筒及足够的設備,初次去會只探—段小路程,應該可以應付得來。
發表於 27-7-2015 16:10:34 | 顯示全部樓層
新手行下6號啦,但都要極小心,其他門口望下都ok,因為有D洞入面得一條木柱頂住,條木一郁就.......
另外入洞記得唔好手多多,空氣一唔流通就退番出去,最好有氣體探測儀.........正常人應該唔會有.......總之萬事小心,睇請楚先行,否則好快就蒙主寵召........
發表於 27-7-2015 22:33:00 來自手機 | 顯示全部樓層
多謝版主提點,我定會小心的,我也会考虑買部氣體探測儀以供活動安全
發表於 28-7-2015 22:44:44 來自手機 | 顯示全部樓層
我會有另一位朋友同行照應的,而以前我也去過台湾,桂林及泰国的岩洞探險,可能是旅游点所以無咩危险,近来見有不小人去過蓮麻坑礦洞,玩後post 了上纲,所以自已都很想去,但你說蓮麻坑礦洞咁危险,覺得都係跟熟悉該洞人仕帶领較好!
發表於 30-7-2015 10:17:09 | 顯示全部樓層
一般人入蓮麻坑都係去6號洞,的確係比較易同安全,但蓮麻坑全長有兩公里,就算斷開到好長,加上有被炸過,所以結構上會比較危險。

第7點可以留言比egg_studio啦,留埋你電話比佢,萬一有時佢會報警加跑山去救你 XDDDD
您需要登錄後才可以回帖 登錄 | 登記成會員

本版積分規則

聯絡|手機版|香港大笪地

GMT+8, 29-3-2024 05:47 PM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表