找回密碼
 登記成會員
搜索
香港大笪地 門戶 查看主題

毅行2013及18條shortcut大公開!

發佈者: 神秘人 | 發佈時間: 19-11-2013 12:18 AM| 查看數: 18974| 評論數: 24|帖子模式

登記成為會員,看更多精采內容!

您需要 登錄 才可以下載或查看,沒有賬號?登記成會員

×
本帖最後由 神秘人 於 16-8-2016 03:14 PM 編輯

神秘人語:仲有2015年後記+19shortcut大公開,仲有爆黑幕,記得睇埋,多謝捧場


2013後記--

4個人8隻腳4條心踩上毅行,人地話4個人1條心不過若言4條麻甩佬1條心,諗起都打冷震。今年一如以往掛住S出征,同行2個系舊隊友,一個系新手,不過佢自己操左成年點都有返我地89戍。

9點起步,先慢跑到東霸用左一個鍾零5分鐘,之后去到西灣山果亭時有工作人員話前面出事所以要改路,但點改就未知道,后來去到西灣d工作人員話前面封左村,要改行新路,總之就行返去西灣亭,然后出返大路,去到就會有人教你點行,因為佢都5清楚。

甘冇嘢啦於是繼續行出西灣亭,后來見1隊鬼佬S隊,先知原來村民閘住村口唔比入。想上網睇乜事,不過上5到,甘繼續行,去到差5多去到西灣亭先上到facebook,先知長細情形。

見到工作人員,話要行車路去cp2,不過要去到北潭郊遊徑入山,然后去cp2。

甘我地即刻計到,X,有著數!行車路去cp2容易過原路好x多。甘我即刻call shortcut小王子旦兄,問下佢點先有so。shortcut小王子原來響大6騎行中,不過都即系答到我,佢話我地S隊體力夠,不如由鹿湖直插cp2,唔駛行落北潭涌再上山,不過我已經出到西灣亭,冇用。甘佢話:如果可以偷到雞,由車路直接上cp2,唔好鬼兜入北潭郊遊徑,起碼行小10分鍾。不愧為shortcut小王子。不過去到北潭郊遊徑,樂屍會如臨大敵,趕雞入籠甘趕我地入北潭郊遊徑。

之后路上冇乜特別野,年年都系甘行,總之快d收工快d返屋企䏲電視。

甘點解今年會出野?行完收到旦兄剪報,話樂屍會話總之去到checkpoint就得,行shortcut都唔理得,甘默認shortcut王道啦,所以征求隊員同意后,公開所有shortcut,讓大家知道點樣可以快d收工返屋企䏲電視。

拿,知還知,唔代表我地全部有行,有d冇乜so就費事賺頭蝕尾。

第1號shortcut系離開東霸后,唔落浪茄,行叫穿山甲徑既shortcut直上山頂個亭,不過要爆林,如果爆得快,就有so。

第2號shortcut系九成九人都行既西灣士多出面條海灘路,以前成日見人話要樂屍會留意,但佢地點會呀?捐錢第一,理鬼得你short定哈唔short,而且我行左5年毅行,未見過有人5行尼條shortcut,包括成狗日罵人地行shortcut冇體育精神果d衛道之士,你地咪一樣行尼條shirtcut

第3號shortcut就係入咸田,一來有士多買汽水,2來平坦d,快幾分鐘啦。

之后第4號shortcut系章上,5入去買汽水就向左走,好快就接返原路,又5怕比樹根cake.

第5號系落畫眉山,有一條好短shortcut,據旦兄做過實驗,可以快20秒。近一2年尼條shortcut已經比人行到同原路一樣闊,所以好多人行左都唔知/扮唔知。

第6號就系響雷打石下面10字路口直落溶樹澳,行車路去cp3。雖然距離冇so,但上少雷打石同雞公山,平路跑得快,時間可以快d。

第4段馬鞍山去基維爾營就乜都冇得short,硬掘!

第7號就系離開基維爾營之后既狗汪徑,識途老馬會自動波入閘。據旦兄所講,幾年前一次毅行,一共過百人一個跟一個甘入去,又系行左都唔知/扮唔知果隻。

第8號就系cp5之后落山,落到底有左右2路。行左面會快10分鍾(又要多謝旦兄做過實地測試),而且唔會比樹根cake,又有風景睇。我地今年去到果度,企響香港全景前,都停低一齊放低幾兩,然后一齊向住香港全景大叫”pk梁振英下台”,然后繼續上路。

若果轉右,去到⅔時,靠右樹林邊有絲帶shortcut(第9號),大約快2-3分鍾,有小小so。

之后第10號shortcut響金山,系旦兄提供,不過佢唔講系乜,話系秘密,可以快10分鍾。

第11號就好x離普,我都覺得好x過份,由一隊幾年黎都系頭10名既S隊提供,就系響城水行林道直插鉛礦坳,skip左針草,閑閑地快2個鍾,怪唔得年年都頭10名。又唔知典解,樂屍會總5會放一2個義工守住尼個位,5知系咪要幫佢地做成績尼?我地真系覺得尼條short得大過份,不過arm arm前面有隊S隊,甘我地就行左都唔知/扮唔知。行左一陣,果隊S隊同我地互相一笑,開頭都5知講乜好,冇理由話今日天氣好好,又冇理由罵人地行shortcut甘冇體育精神?行左一陣,又互相傻笑,對方好友善甘話,前面有個版,寫住樂屍毅行者,之后又講下今朝西灣單野。行左45分鍾,真系有個紫色版寫住樂屍毅行者,唔通改左路?

去到鉛礦坳,義工仲讚我地2隊甘快上到泥,搞到我地5知應唔應該問系咪改左路?

第12號shortcut:甘我地同尼隊S隊一齊上大霧山,佢地帶路下響四方山前有一條小shortcut,佢地話系消防開黎防止山火,上小一個小山頭,快一分鐘唔夠。

第13號就系最經典shirtcut:由波波落cp8。據shortcut小王子講,佢知道邊d人甘好心機每年毅行時候都開靚仔條路,又剪草又畫埋箭咀,原來又系S隊既前輩,丁喬前輩!!

第14號:但其實仲有一條shortcut響離開波波不遠,直落閘口,快過第13號,不過好斜,夜晚行好危險,除時得不常失。

第15號就系大閘后,5行車路,靠左入山徑(正式麥理浩徑),又要多謝旦兄實地測試,可以快20秒。(但唔好入第二條正式麥理浩徑,因為要上山又落山)

第16號響cp8后面,,即系遊客中心后面,有一條小樓梯直落荃錦公路,快10幾秒,但5駛行出去停車場同人big,又唔會比車撞。

之后cp8至田夫仔除非有山地單車否則硬掘。一直以黎都有人研究可5可以踩單車,后來有人問過樂屍會,佢話5可以使用借助外力工具,甘單車都系用自己推動,如果單車唔得,著跑鞋一樣5得?

第17號shortcut又系旦兄所講玩開山地車都知響水塘路一半時不上樓梯入左邊小徑(依家已經開到變”大徑”)skip左一個小山頭。

第18號就系最后shortcut又系旦兄教路又系山地車路線。響水塘路尾段左邊危險勿入,右面樓梯上山。見危險就插入不過真系幾危險,山地車點可以踩到?

最后,我地以17個鍾多d完成fit曬。
IMA20131116_201936-5.jpg

最新評論

Homan 發表於 19-11-2013 04:21:25
其實成績一年比一年好,仲要係十幾廿分鐘咁進步,唔通D人會飛咩?
而且呢個比賽係慈善比賽,你咁介意人地行 shortcut 做乜?行快D又唔係一樣要捐錢?
人地頭隊收左贊助人的資金,就真係要以嬴輸來定下年有無飯開,你唔抵得,一係快過人地行shortcut,一係就唔理人地行唔行自己做自己時間⋯
egg_studio 發表於 19-11-2013 12:20:00
12pt 發表於 19-11-2013 10:36 AM
睇完你地介紹,毅行者2013都係如十幾年前我地見一樣,係偽行者,都係當挑戰下自己算啦 XDD ...

而且為捐款做到越嚟越商業化,捐得多就有得玩,捐 basic 就冇下次,其實面具下只係香港一個行山比賽,每年有大把,而且同樣為慈善。

網上已經有少人分析,若將 $6800 + $480 抽獎費捐款去參加香港其他行山比賽,受惠嘅機構及人士會比捐去樂施會多。

最重要係,我唔會捐錢去支持反高鐵嘅政治組織/偽慈善團體!當第時高鐵香港段完工後,坐高鐵嘅人會唔會記得「毅行精神」呢?

睇番成績,第一同第二都係 Nepal 隊,原來係同鄉「發生口角」。可能冠軍、亞軍獎金唔同,嚴重影響開飯。
egg_studio 發表於 2-12-2015 12:21:39

多謝指出,不過先指出,呢個 post  係2013 年 -- 翻查「樂施毅行者2013」重要備忘」,沒有提及此 shortcut 係「正路」。

「樂施毅行者2013」重要備忘.pdf (478.14 KB, 下載次數: 0)

另外,樂施會網頁亦響 2015 年活動中(不是 2013 年),清楚指出行沙灘不是「正路」。經 C 兄提醒,發現樂施會響「圖」、「文」上有出入,睇嚟,樂施會應該要澄清一下。

樂施會網頁 --> 路線與檢查站 --> 樂施毅行者 Google Map

Screen Shot 2015-12-02 at 12.20.21 pm.png






egg_studio 發表於 19-11-2013 00:31:07
對於「二號 shortcut」,翻查樂施會官網內之毅行者路線(下圖),清楚表示行沙灘不是正路,但參加毅行四年,從實地及大會照片所見,包括果 d 乜乜毅行名人,都係行沙灘!

另外,某一年同一位報稱「一定唔行 shortcut」嘅「衛道之士」練山時,佢一樣行呢條 shortcut,令我十分鄙視!



Screen Shot 2013-11-19 at 12.32.42 am.png Screen Shot 2013-11-15 at 12.09.05 pm.png

12pt 發表於 19-11-2013 10:36:27
睇完你地介紹,毅行者2013都係如十幾年前我地見一樣,係偽行者,都係當挑戰下自己算啦 XDD
fatloong 發表於 23-11-2013 17:39:56
樓主睇落似係S46
Homan 發表於 24-11-2013 00:30:52

我都未見過樓主架⋯ 有無 S46 張相睇下?
fatloong 發表於 24-11-2013 01:26:51
Homan 發表於 24-11-2013 12:30 AM
我都未見過樓主架⋯ 有無 S46 張相睇下?

都係靠估, 因為S隊中 "17個鍾多d完成", 又CP6-CP7比正常隊快就只此一隊
神秘人 發表於 24-11-2013 17:22:50
fatloong 發表於 24-11-2013 01:26 AM
都係靠估, 因為S隊中 "17個鍾多d完成", 又CP6-CP7比正常隊快就只此一隊 ...

錯錯錯,我系神秘人,甘易比你估到?16個鍾進位或者18個鍾5進位都系17個鍾。
fatloong 發表於 25-11-2013 23:28:53
樓主回得好快Bor

不過睇完16到18, 得隊S17快過S46少少, 不過S17全鬼佬名bor
不過最堅都係S54, CP6-CP7比兩隊尼泊爾隊快足15分鍾

egg_studio 發表於 25-11-2013 23:37:02
fatloong 發表於 25-11-2013 11:28 PM
樓主回得好快Bor

不過睇完16到18, 得隊S17快過S46少少, 不過S17全鬼佬名bor

CP6-7 實在太古惑了。月初行苗圃時響城門水塘上鉛礦坳時,我都見有毅行者嘅路線牌,難道真係改咗道或者係樂施會為免有人行 shortcut. 都行錯所以放定路線牌?
fatloong 發表於 26-11-2013 01:13:42
咁神奇
會唔會係大會車既路牌?  咁大改動一定好大件事, 唔會唔知
Homan 發表於 26-11-2013 02:59:51
fatloong 發表於 25-11-2013 11:28 PM
樓主回得好快Bor

不過睇完16到18, 得隊S17快過S46少少, 不過S17全鬼佬名bor

樓主識中文(廣東話)唔代表佢身份証上的名唔可以係全鬼佬名架!
我識有個香港(1/4 意大利,3/4中國)人,中文同我同你一樣咁水平,不過個名叫 Martin Salaroli
kelvinho 發表於 26-11-2013 15:52:34
不過其實好多Shortcut
fatloong 發表於 28-11-2013 01:36:47
Homan 發表於 26-11-2013 02:59 AM
樓主識中文(廣東話)唔代表佢身份証上的名唔可以係全鬼佬名架!
我識有個香港(1/4 意大利,3/4中國)人 ...

咁又係, 樂施會個總裁余志穩都係中國人鬼佬名(Stephen Fisher)

不能完全排除樓主係S17既可能
alexphoto 發表於 28-11-2013 15:01:28
第10號嚴格黎講唔係shortcut, 而係一種特異功能, 只要天時地利配合得好,去到就自然會發生喺你身上。
fatloong 發表於 28-11-2013 17:01:37
alexphoto 發表於 28-11-2013 03:01 PM
第10號嚴格黎講唔係shortcut, 而係一種特異功能, 只要天時地利配合得好,去到就自然會發生喺你身上。 ...

冇人睇到就坐support駕車上去

不過今年support車唔比入...
egg_studio 發表於 1-12-2013 23:13:27
今日日頭行 M8,發現 M146 有小 shortcut,大概慳到 30 秒。(過去我地都係半夜行到大帽山,冇留意。)
egg_studio 發表於 27-10-2014 07:40:56
今午年樂施會「曲線」地指出西灣士多之後不可以「誤失(行錯路)」!又睇吓有幾多衛道之士依舊行沙灘 shortcut?

第二段:進入鹹田灣後,沿麥理浩徑靠左急轉穿越沼澤地區,切勿經過沙灘。

www.oxfamtrailwalker.org.hk_2014-10-27_07-39-04.png
神秘人 發表於 5-10-2015 13:45:26
請各位損手今年努力行shortcut
12下一頁

聯絡|手機版|香港大笪地

GMT+8, 28-3-2024 10:20 PM

Powered by Discuz! X3.5

Copyright © 2001-2024 Tencent Cloud.

快速回復 返回頂部 返回列表