2013 苗圃行動挑戰12小時

Homan

今年大笪地出一隊3人隊際及1人隊一隊。
小弟、eggstudio 及非會員 Phoebe（女將）參加3人組合；alexphoto 則獨自出戰，我們都是參加全程42公里。


Phoebe 有一位超快腳的男友，在初兩段帶著我們3人以比較輕快的速度完成，在CP1前井欄樹碰到 alexphoto，怎料一別成本年賽事的永訣
一直以輕快的腳步前進，甚至比計劃（7小時15分）早20分鐘到達沙田坳道獅子亭。
這個時候 Phoebe 的超快腳男友離隊，我們3人在九龍水塘以「50米法則」每隔50米交替緩跑、步行來走完九龍水塘段。
但在城門水塘途中小弟因為太熱走不快，反而 eggstudio 一馬當先。幸好到林道時已經回復狀態。
為了保留體力應付最後在鉛礦凹下降的一段石頭路，我們在林道只是以快步，並沒有起步跑。
到達鉛礦凹時是下午2點05分，即是說我們只有1小時15分的時間，去完成最後的下降石路及市區平路。
eggstudio 及 Phoebe 先走一步，我則休息了約3分鐘後才開始。
Phoebe 基本上在最後這一段完全把我們兩位男士「放甩」，連身影也看不到。
而我和 eggstudio 則一起完成最後的市區路段，結果，我們以6小時53分31秒完成賽事。
亦拿到大會的「優異」獎牌！



至於分組別（3人組）的成績，現場沒有顯示，要留待日後看網頁了。

egg_studio

到達鉛礦坳時間係2：35pm,而離開時間係 2：40pm。

事後諗番其中一個衝擊獎牌成功原因係，大會今年揾兩位姐姐封死城門條 shortcut,所以所有人都要行正路，因此先可以贏到平地跑手。

另外從 alex 起步相所見，見到有隊際混入單人隊，偷雞 20 分鐘。

Homan

egg_studio 發表於 4-11-2013 05:58 AM
到達鉛礦坳時間係2：35pm,而離開時間係 2：40pm。

事後諗番其中一個衝擊獎牌成功原因係，大會今年揾兩位姐 ...

大會截 shortcut 咁細心，但係起步計算實在求其！

egg_studio

後記小補充：

記得上屆正值炎熱天氣警告，全日曬到暈，特別係由大藍湖上飛鵝山一段，冇遮冇掩，吃力非常！

今年天氣比上屆清涼，仲掛埋一號波，響微雨下，不但跑得快，也跑得舒服。

比賽前以 7 hrs 20 mins 為目標（見苗圃2013時間預算），配速依舊為上山輕快步，下山輕 jog，平地睇心情。

第一段以 -5mins 完成。由於補給點定於大藍湖，而非 CP1，所以拍卡即走，直至大藍湖才補水及香蕉。

上飛鵝山一段比預定時間快 15 mins，再 skip 埋基維爾營的補給站，直奔至獅子亭 CP2。到達獅子亭 CP2 時，已較預定時間快 20 分鐘。

因為有 20 分鐘走盞，獅子亭 CP2 至引水道一段下山路反而減速，讓身體回復體力。所以，這一段 on time，分秒不差。

6.3 km 的引水道採用上屆驗證過嘅「跑 50 米、行 50 米」戰術，成功以最少體力、最少時間完成極沉悶、極消磨意志及體力、「轉埋個彎就到」式路段。結果，以比預定時間快 10 mins 到達九龍水塘 CP3。

CP3 至孖子徑亦放慢，為咗讓身體回復體力。不過之前有差不多半小時走盞，結果呢一段以「蝕 15 分鐘」，抵達城門水壩 CP4。

雖然只剩低 15 mins 優勢，但各人體力經兩次回復後，已經「大把貨」，所以轉入「轉埋個彎就到」嘅水塘路後，採用「跑 30 秒、行 90 秒」戰略，又成功賺番 5 mins。

出水塘後，就係往鉛礦坳嘅石屎上山路。呢一段時間控制得最好，以「分秒不差」之 30 分鐘抵達鉛礦坳 CP5。

到達鉛礦坳，已經可以計算出到達終點應該係約 45 分鐘後嘅事，即表示有 70% 可成功以 7 小時多少少、或 30% 以 6 hrs 5X mins 完成比賽，至少比上年快半小時，所以大家可休息 5 分鐘，讓身體準備下山之體力。

最後因為體力充足，下山路比原定快約 15 分鐘（而且往新終點途中，唔駛等紅綠燈過馬路），最後以 6 hrs 53 mins 抵達終點，比預定時間快 27 分鐘。

egg_studio

根據苗圃近日的書面回應，原來今屆起將 2/3/4 人隊際歸納為一組。

Homan

你老闆丫～

egg_studio

Homan 發表於 8-11-2013 01:15 PM
你老闆丫～

原來響官方 FB 上有 d 人搞事，都係果句，香港未 ready 有民主。

仲要正視嘅係，隊際混入了個人組起步的問題。

Homan

egg_studio 發表於 8-11-2013 01:17 PM
原來響官方 FB 上有 d 人搞事，都係果句，香港未 ready 有民主。

仲要正視嘅係，隊際混入了個人組起步的 ...

我睇番以前的網上留言。其實個遊戲規則次次都有D不同,有年係分個人精英組同個人公開組,精英組係要試過七小時內完成的參賽者才有資格參與
2013年比賽規則又改變，原來隊制無分人數, 甚至不分男女子組。
我覺得細節不是亂, 是年年改!
改到大家跟不上, 包括我地在內都中伏！

另外，唔好將 ready 唔 ready 民主同埋應唔應該有民主混為一談⋯

Homan

在169隊完成的隊伍內
大笡地的 Dash7 以27名衝線！

egg_studio

Homan 發表於 8-11-2013 03:47 PM
我睇番以前的網上留言。其實個遊戲規則次次都有D不同,有年係分個人精英組同個人公開組,精英組係要試過七 ...

另外，唔好將 ready 唔 ready 民主同埋應唔應該有民主混為一談⋯

咦？邊個混埋一談？我淨係話香港未 ready 有民主。

Homan

原來我地2013個成績去到2014係第二名！